web counter
LEXO PA REKLAMA!

SHKARKO APP

App Store
Google Play

“Beteja” Trump-Biden/ Protesta dhe tensione në Michigan dhe Arizona

5 Nëntor 2020, 09:05, Kosova & Bota CNA

Kanë ngelur pak orë nga shpallja e fituesitëtë zgjedhjeve presidenciale në SHBA.

Në shumë shtete të vendit kanë filluar të shfaqen përplasjet e para. Në disa prej shteteve kryesore në përcaktimin e rezultatit pati protesta masive dhe përplasje me policinë. Në Michigan, mbështetësit e Trump u mblodhën jashtë një qendre votimi në Detroit duke u kërkuar zyrtarëve të ndalonin numërimin e votave.

Oficerët e policisë u rreshtuan jashtë qendrës për t?i ndalur protestuesit të futeshin brenda. 16 votat elektorale të shtetit janë përcaktuese në përcaktimin e presidentit të ardhshëm të vendit. Probleme ka pasur edhe në Arizona, një shtet i cili momentalisht kryesohet nga Biden, por epërsia e tij është ngushtuar dukshëm.

Mbështetësit e Trump gjatë natës janë mbledhur jashtë ndërtesës për të protestuar dhe pretendojnë se votat po vidhen. Megjithatë, vëzhguesit e të dy partive kryesore politike qëndronin brenda qendrës zgjedhore ndërsa fletët e votimin numëroheshin dhe procedura transmetohej drejtpërdrejt në internet gjatë gjithë kohës. Fillimisht forcat policore kanë larguar nga qendra përfaqësuesit e mediave ndërkohë që kanë ndihmuar të vazhdojë edhe procesi i numërimit./CNA.al





Lajmet e fundit nga