web counter
LEXO PA REKLAMA!

SHKARKO APP

App Store
Google Play

Demokratët e Pogradecit skualifikojnë çunin e Fahri Balliut/ Eleminohet edhe ish-kryetari i bashkisë

7 Tetor 2020, 17:28, Politikë CNA

Ditën e sotme janë mbajtur votimet në qarkun e Korçës, për zgjedhjen e kandidatëve për deputetë të Partisë Demokratike.

CNA.al mëson se demokratët e Pogradecit kanë skualifikuar Klevis Balliu, djali i Fahri Balliut. Raportohet se Balliu ka marrë 310 vota kundër nga 450 anëtarë që kanë marrë pjesë në votime.

Gjithashtu demokratët kanë eleminuar edhe ish-kryetarin e bashkisë së Pogradecit, Eduart Kaprin, për të cilin kanë hedhur 170 vota kundër.

Në zgjedhjet që u mbajtën në Pogradec votuan 450 anëtarë, ndërkohë që PD në këtë rreth ka 520 anëtarë.

Kujtojmë se në Pogradec kandidonin 10 demokratë dhe deri më atni mësohet se nga kjo listë janë skualifikuar Balliu dhe Eduart Kapri.

Pas përfundimit të procesit të konsultimit me anëtarësinë, kandidatët e konfirmuar i nënshtrohen vlerësimit përfundimtar të Komisionit në fazën e tretë.

Anëtarët e komisionit votojnë bazuar, kryesisht, në vlerësimin e performancës politike të kandidatit dhe mundësinë e maksimalizimit të votës. Pas këtij vlerësimi përfundimtar, lista me kandidatët që kalojnë fazën e tretë i dorëzohet për vendimmarje finale Kryesisë së Partisë Demokratike

Kandidatët e PD që u votuan sot në Pogradec:

1. Anila Hysenbegasi
2. Arjan Malcellari
3. Armant Zerka
4. Eduart Kapri
5. Erald Kapri
6. Erlis Çela
7. Genti Çela
8. Klevis Balliu
9. Oligert Mucollari
10. Selaudin Jakupllari./ CNA.al





Lajmet e fundit nga