web counter
LEXO PA REKLAMA!

SHKARKO APP

App Store
Google Play

“Kur të flasësh për zonjat me shami laj gojën”/ Halit Valteri përplaset me Ralf Gjonin

7 Tetor 2020, 15:19, Politikë CNA

Deputeti Ralf Gjoni protestoi sot në Parlament kundër komisionerit të Zgjerimit Oliver Varhelyi dhe ngriti akuza ndaj presidentit turk Recep Tayyip Erdogan, për të cilin tha se po i afrohet vendit tonë për të kapur tendera, përfshirë edhe fenë.

Por zv.kryeparlamentarja Vasilika Hysi i tërhoqi vërejtje deputetit për deklaratat e bëra, pasi përmendi besimtarët myslimanë.

Gjoni u justifikua duke thënë se nuk veçoi besimtarët myslimanë por i mori ata si shembull, ndërsa theksoi se të njëjtën gjë do të thonte edhe për ortodoksët.

?Ne jemi vend laik. Të njëjtën gjë do të thosha edhe për ortodoksët. Mos tjetërsoni fjalën time. Flas për alternativat fetare nga miku i kryeministit tuaj, Erdogan për të futur hundët. Këta njerëz do mbeten këtu, ne do ikim me familjet. Nuk po kuptoni gravitetin e situatës. Më dhemb shpirti kur e shoh se ku po shkon ky vend?, u shpreh ai, ndërsa u kundërshtua nga kolegu i tij Halit Valteri.

Valteri i tha Gjonit se kur të përmendë zonjat me shami duhet të lajë gojën dhe i kërkoi ta lërë fenë jashtë parlamentit.

?Lerë fenë jashtë parlamentit. Kur të flasësh për zonjat me shami laj gojën se janë shumë më të pastra se ne. Me Erdoganin do të kisha dëshirë të kisha dhe unë miqësi. Do të isha shumë i lartësuar të kisha dhe unë miqësi me të. Të lutem, njerëz që janë islamofob, largojini nga kjo seancë. Ralf jam më shqiptar se ti?, theksoi deputeti./ CNA.al





Lajmet e fundit nga