web counter
LEXO PA REKLAMA!

SHKARKO APP

App Store
Google Play

E fundit!

x

“Forcat politike të mbajnë fokusin te reformat”/ Varhelyi: Zgjedhorja kusht për konferencën e parë ndërqeveritare

7 Tetor 2020, 14:45, Politikë CNA

Komisioneri i BE-së për Fqinjësinë dhe Zgjerimin, Oliver Varhelyi, deklaroi sot në seancën parlamentare se Shqipëria i ka ndjekur me vendosmëri përpjekjet për reformat.

Varhelyi tha se ka pasur ecuri në zbatimin e ligjit, ndërsa kërkoi që të gjitha forcat politike të mbajnë fokusin te reformat.

Ai theksoi se Reforma Zgjedhore është kusht për konferencën e parë ndërqeveritare, ndaj institucionet duhet të punojnë që të bëjnë të mundur që Shqipëria të ecë përpara drejt BE.

?Shqipëria i ka ndjekur me vendosmëri përpjekjet për reforma. Vendi juaj është pranë përmbushjes së të gjitha kushteve përpara konferencës së parë ndërqeveritare. Ka vijuar zbatimi i reformës në drejtësi, vettingu. Janë hapur edhe dy proceset e aplikimit për pozicionet vakante në Gjykatën Kushtetuese, gjykata e Lartë ka rifituar kuorumin dhe është funksionale. Sa i takon luftës kundër krimit, është përfunduar krijimi i trupave të reja. Ka pasur ecuri në zbatimin e ligjit, ku kemi parë një numër operacionesh të suksesshme.

Kam mirëpritur marrëveshjen e 5 qershorit që zbaton rekomandimet OSBE-se dhe inkurajoj të gjitha palët që të mbajnë fokusin te këto reforma, përfshirë ato që përfshijë 5 qershorin. Reforma Zgjedhore është kusht për konferencën e parë ndërqeveritare. Institucionet duhet të punojnë që të bëjnë të mundur që Shqipëria të ecë përpara drejt BE-së.

Shqipëria kaloi një periudhë të vështirë me tërmetin dhe krizën e Covid-it, ne kemi qëndruar pranë jush me një asistencë që nuk ishte njohur. Edhe Shqipëria i dha BE-së ndihmën e saj duke u cuar personel mjekësor qytetarëve të BE-së. Ne jemi në atë moment kyç, Shqipëria gjendet më pranë se kurrë përpara BE-së, prandaj kontributi i të gjitha forcave është kyç, le ta marrim atë hap për të ardhmen e Shqipërisë?, nënvizoi Varhelyi./ CNA.al





Lajmet e fundit nga