web counter
LEXO PA REKLAMA!

SHKARKO APP

App Store
Google Play

E fundit!

x

“Më vutë në pozitë të vështirë”/ Komisioneri i BE-së mban fjalën në foltoren e Kuvendit

7 Tetor 2020, 14:21, Politikë CNA

Komisioneri i BE-së për Fqinjësinë dhe Zgjerimin, Olivér Várhelyi ka mbajtur sot një fjalim në parlamentin e Shqipërisë ku theksoi se unioni është i angazhuar për integrimin e Ballkanit Perëndimor në familjen Europiane, por edhe investimet në ekonomi.

Varhelyi premtoi se Komisioni Europian do qëndrojë pranë me vendet e Ballkanit Perëndimor dhe do punojë fort që vendet e rajonit të jenë shtete anëtare të BE.

?Më vutë në një pozitë të vështirë se më dhatë një vend ku duhet të ulen monarkët, unë nuk një jam i tillë, faleminderit për mikpritjen e ngrohtë. Unë dëshiroj që të përçoj një mesazh të qartë, që do ta sjellim këto ditë në Ballkanin Perëndimor, ne jemi me ju, do u qëndrojmë pranë, që të bëheni shtete anëtare, të integruara në jetën tonë. Ballkani Perëndimor ka qenë përparësi për këtë komision. Puna jonë ka vijuar në tre drejtime, rigjallërimi, negociatat dhe ekonomia. Fokusi ynë është për të ndihmuar në rimëkëmbjen ekonomike të rajonit. Kemi përgatitur planin e investimeve ekonomike që u miratua dje. Ky plan do të shërbejë për të promovuar rimëkëmbjen afatgjatë duke çuar në rritje të konsiderueshme ekonomike? tha ai./CNA.al





Lajmet e fundit nga