web counter
LEXO PA REKLAMA!

SHKARKO APP

App Store
Google Play

E fundit!

x

Ngritja e KQZ-së së re/ Jozefina Topalli zbulon marrëveshjen e fshehtë mes Ramës dhe Bashës

7 Tetor 2020, 16:27, Politikë CNA

Ish-kryeparlamentarja, Jozefina Topalli, ka reaguar përmes një postimi në rrjetet sociale ku akuzon kreun e PD-së Lulzim Basha për një tjetër marrëveshje të fshehtë me  kryeministrin Rama. Bëhet fjalë për votimin e emrave të KQZ-së së re.

Sipas Topallit i vetmi kontestim që Basha kishte, ishte Ilir Rusmaili. Në një akt të turpshëm, Basha votoi ministrin e Edi Ramës dhe rrëzoi zvends Kryeministrin e Partisë Demokratike, vijon më tej Topalli.

?Para dy ditesh në Parlament, Rama në marrëveshtje me Bashën votoi emrat e KQZ-së së re.

Sikur Basha të kishte kontestime për ndryshimet Kushtetuese apo për mbylljen e listave përmes hapjes së rreme, ky i fundit nuk do të kishte dërguar në Kuvend emrat e tij.( Emra që morën votën e Ramës).

Përkundrazi, ata ishin në sintoni për ccdo gjë.

I vetmi kontestim që Basha kishte, ishte Ilir Rusmaili.

Në një akt të turpshëm, Basha votoi ministrin e Edi Ramës dhe rrëzoi zvends Kryeministrin e Partisë Demokratike.

Ilir Rusmaili është njohësi më i mirë i zgjedhjeve, është profesor i së Drejtës Kushtetuese. Ai i është bashkëngjitur Partisë Demokratike që prej 3 dekadash.

Një ndër mendjet me brilante të kësaj partie.

Votimi i Bashës për ministrin e Ramës më kujtoi marrëveshtjen e 2017 kur i detyroi grupin parlamentar të votojë listën e vettingut që fillonte nga Ina Rama deri tek militantët më famos të Kryeministrit.

Sa bukur merren vesht këta shahistët për të ruajtur karriget e tyre.?/CNA.al





Lajmet e fundit nga