web counter
LEXO PA REKLAMA!

SHKARKO APP

App Store
Google Play

Rama i thur lavde Varhelyit/ “Mbështetës i pakursyer i Shqipërisë, na u gjend në krah kur ra tërmeti”

7 Tetor 2020, 17:06, Politikë CNA

Kryeministri Edi Rama i ka thurur laved komisionerit të BE për Zgjerimin gjatë deklaratës së përbashkët për shtyp.

Rama tha se Varhelyi n aka qëndruar pranë edhe në ditë të vështira dhe sipas tij, është nga të parët që na u gjendën në krah kur Shqipëria u godit rëndë nga tërmeti tragjik i 26 nëntorit.

Kreu i qeverisë deklaroi se komisioneri europian ka qenë mbështetës i pakursyer i Shqipërisë në rrugën e integrimit dhe është angazhuar në vetë të parë për një plan masiv ekonomik dhe financiar për të gjithë rajonin.

?Doja të shprehja një kënaqësi të veçantë për vizitën e sotme të komisionerit Varhelyi i cili ka qenë i pranishëm në vendin tonë dhe në ditë të vështira, nga të parët që na u gjendën në krahë, duke ardhur këtu për të shprehur solidaritet me të gjitha familjet e goditura rëndë nga tërmeti. Nga ana tjetër kënaqësia është e veçantë sepse qysh në sekondën e parë të fillimit të punës, komisioneri ka qenë mbështetës i pakursyer i të gjithë vendeve të Ballkanit Perëndimor, Shqipërisë në procesin e përshpejtimit të rrugës të çeljes së dyerve për të negociuar anëtarësimin në BE.

Siç do ta thotë vetë sot nuk është mjaftuar aspak me këtë aspekt të marrëdhënies së BE-së me Shqipërinë dhe Maqedoninë e Veriut por është angazhuar në vetë të parë për një plan masiv ekonomik dhe financiar për të gjithë rajonin. Dua të falënderoj për praninë e tij, mbështetjen e tij, mënyrën e qasjes efikase ndaj çështjeve dhe për ndershmërinë e tij në thënien e gjërave ashtu siç janë qoftë kur duhet të na i thotë ne, qoftë kur duhet t?i thotë për ne në Bruksel?, theksoi kryeministri./ CNA.al





Lajmet e fundit nga