E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

“Vafsh e mos ardhsh kurrë!”/ Kryetari i PD Berat kundër ish-deputetit Astrit Veliaj

5 Tetor 2020, 20:45, Politikë CNA

Kryetari i PD-së në Berat, Gazment Azizi i është përgjigjur me tone të ashpra deklaratave të ish deputetit Astrit Veliaj, i cili sulmoi sot Lulzim Bashën pasi e la jashtë listës së kandidatëve për deputetë në këtë qark.

Veliaj tha se ai dhe të gjithë demokratët e Beratit janë të zgënjyer nga Basha, ndërsa theksoi se ai ka bërë shumë për PD-në gjatë këtyre viteve.

Por për Aziziajn, Veliaj jo vetëm që nuk duhet të ishte në listë, pasi ka njerëz shumë më të dobishëm se ai, por edhe më herët ka qenë thjesht figurant.

?Procesi i votimeve në PD për konfirmimin e kandidatëve për deputet, nëpërmjet parimit “një anëtar ,një votë” është një pasqyrë që s’mund të zbukurojë dot një fytyrë të shëmtuar dhe të urryer!

Mund të marrësh votë pro për shkaqe të ndryshme ,por votë kundër pa e merituar nuk mund të marrësh pse do njëri apo tjetri.

Ai rezultat, me40% të votave kundër miku im, është totalisht merita juaj!

Listën e kandidatëve për deputet në degën dhe qarkun e Beratit bart në vetvete njerëz me integritet të lartë moral, shoqëror, dhe intelektual.

Djem e vajza që kanë studiuar në Europë, pedagogë universiteti, mjek dhe specialistë të fushave të ndryshme, kontributorë dhe drejtues të strukturave të PD ndër vite, biznesmenë të ndershëm dhe me reputacion.

Sot struktura e degës së PD Berat ka njerëz që e meritojnë me të vërtetë fjalën qëndrestarë!

Fjalë që ti miku im nuk e kupton dot ,sepse ti nuk ke qënë asnjëherë aty ku duhej të ishe, edhe si figurant.

Ata janë njerëz gjithë kohën kanë besuar dhe shpresuar ,pa asnjë interes tek PD, ndërsa ti edhe në çastet më kritike nuk nguroje të na tregoje “çelësat e kashtës”!

Ato do të kishin në dorë kryetarët dhe kryesitë e degëve se të tjerat do ti ishin në dorë të deputetit!

Kjo është e vërteta e ndarjeve të ofiqeve të dashur miq.

Ndërkohë për t’u bërë ti deputet do të duhej të jepnin dorëheqjen njerëz të nderuar,vërtet pa universitete dhe kolegje ,por shumë herë më të dobishëm se ti.

Po ti them të gjitha ato që kam për ty,padyshim që do të më duhej shumë kohë, por ti nuk meriton asnjë sekondë më shumë, edhe kaq u morra shumë!

Udha mbarë miku im!

Vafsh e mosardhsh kurrë!”/CNA.al