web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Zgjedhor/ Delegacioni i BE: Nuk kanë lidhje me rekomandimet e OSBE/ODIHR

5 Tetor 2020, 18:38, Politikë CNA

Delegacioni i Bashkimit Europian në Shqipëri ka reaguar për ndryshimet në Kodin Zgjedhor që u miratuan sot në Kuvend.

Delegacioni i BE deklaron se ndryshimet në Kodin Zgjedhor nuk kanë lidhje me zbatimin e rekomandimeve të OSBE/ODIHR-it mbi Reformën Zgjedhore.

BE shpreh keqardhje që nuk u arrit asnjë kompromis në Këshillin Politik para se ndryshimet të votoheshin në Parlament.

?Morëm njoftim mbi miratimin nga Parlamenti të ndryshimeve të tjera në Kodin Zgjedhor. Kujtojmë se këto nuk kanë lidhje me zbatimin e rekomandimeve të OSBE/ODIHR-it mbi reformën zgjedhore siç referohet në Konkluzionet e Këshillit të marsit.

Shprehim keqardhjen që nuk u arrit asnjë kompromis në Këshillin Politik para se ndryshimet të votoheshin në Parlament.

Me gjithë rezultatin pozitiv të marrëveshjes mbi rekomandimet e OSBE / ODIHR-it të arritur më 5 qershor 2020, dialogu politik në vend duhet të përmirësohet.

Ne inkurajojmë të gjithë palët e interesuara të mbajnë fokusin te zbatimi i reformave të nevojshme për vendin për të përparuar në rrugën e integrimit në BE, përfshirë reformat e parashikuara në marrëveshjen e 5 qershorit. Kjo do të sillte standarde më të larta të integritetit dhe transparencës në procesin zgjedhor, çka është thelbësore për të ardhmen politike të vendit?, thuhet në deklaratë./ CNA.al





Lajmet e fundit nga