web counter
LEXO PA REKLAMA!

SHKARKO APP

App Store
Google Play

E fundit!

x

"Numërimi mbrapsht filloi"/ Presidenca paralajmëron pas miratimit të Kodit: Nesër publikojmë emrat e…

5 Tetor 2020, 16:41, Politikë CNA

Zëdhënësi i Presidentit Ilir Meta, Tedi Blushi, ka reaguar ashpër për miratimin e ndryshimeve në Kodin Zgjedhor në seancën e sotme parlamentare.

Blushi tregon se nuk është surprizuar, ndërsa Parlamentin e cilëson si Parlament turpi dhe Kokoshkash.

Ai paralajmëron se nëse do të publikojë emrat e atyre që pretendon se ngritën dorën për izolimin e Shqipërisë deri në 25 Prill.

Sipas tij, akti i sotëm është një komplot i mirëorganizuar prej 20 vitesh. Blushi thotë se tashmë ka filluar numërimi mbrapsht.

?Zero surprizë nga Kuvendi i Turpit dhe Kokoshkave, që ulin kokën dhe ngrenë dorën. Ka vetëm një fajtor dhe ky është Mister 1 Prilli ose Profeti i Kokoshkave. Të tjerët janë bashkëpunëtorët e tij të rëndomtë, të blerë, të kapur, të shantazhuar e të nënshtruar.

Nesër publikojmë emrat e të gjithë atyre që ngritën dorën për izolimin e Shqipërisë deri në 25 Prill. Presidenti është i qartë për shpartallimin e plotë të këtij komploti të mirëorganizuar prej 20 vitesh kundër popullit dhe kombit tonë, për defaktorizimin e shqiptarëve si një popull dhe komb europian.

Tre milionë shqiptarë do të dinë si t?i përgjigjen këtij provokimi të poshtër, në mënyrë të bashkuar, europiane dhe Shqiptare. Askujt të mos i vijë keq për popullin shqiptar. Nuk jemi bërë për mëshirën e askujt.

Do t?i dalim zot vetë vendit tonë dhe do tregojmë se e meritojmë Demokracinë dhe Lirinë. Nga 25 Prilli fillon një epokë e re në Shqipëri. Ajo e sundimit të popullit përmes referendumeve. Vetëm kjo do garantojë sundimin e ligjit dhe fundin e kësaj oligarkie antishqiptare.

Numërimi mbrapsht sapo filloi. Jetën e japim, por demokracinë dhe lirinë kurrë më!?, shkruan ai në rrjetet sociale./ CNA.al





Lajmet e fundit nga