web counter
LEXO PA REKLAMA!

SHKARKO APP

App Store
Google Play

E fundit!

x

“Nuk premtoj mrekullira”/ Basha tregon planin për të shpëtuar vendin

5 Tetor 2020, 16:51, Politikë CNA

Kryetari i Partisë Demokratike ka zhvilluar sot takime me bizneset në Rrugën e Durrësit dhe Rrugën Myslym Shyri.

Basha ngre akuzat se bizneset janë në prag të rrënimit, pasi pretendon se janë braktisur tërësisht nga qeveria, ndonëse kanë nevojë për ndihmë.

Kreu i opozitës bën me dije se i ka treguar këtyre bizneseve planin me pesë pika të Partisë Demokratike, ndërsa tthotë se nuk premton mrekullira, por një qeverisje normale.

?Asnjë formë propagande nuk e fsheh dot mbylljen e qepenave të dyqaneve në këto dy arterie kryesore të biznesit në kryeqytet. Çdo sipërmarrës sot ndodhet përballë vështirësive të mëdha, që kanë shkaktuar uljen drastike të xhiros, largimin e punësuarve dhe një perspektivë të zymtë për shkak të braktisjes nga qeveria.

Gjatë takimeve që zhvillova sot me ta, i njoha me 5 pikat e Planit tonë të Rimëkëmbjes Ekonomike e Sociale:

1. 1000 euro për biznesin e vogël për 6 muajt e ardhshëm.

2. Mbështetje mujore për biznesin prej 200 mijë lekësh për çdo ripunësim.

3. Pagesë mujore prej 160 mijë lekësh për çdo qytetar që ka humbur punën.

4. Shtesë prej 20 mijë lekësh për çdo pensionist.

Ky është plani për të ndalur rënien e ekonomisë në humnerën e falimentit. Ky është plani për të ndihmuar familjet që kanë humbur vendet e punës, që të sigurojnë bukën e fëmijëve. Ky është plani për të shpëtuar ekonominë dhe vendin. Ne nuk premtojmë mrekullira. Kush premton mrekullira, gënjen. Unë u premtoj shqiptarëve një qeveri normale dhe një vend normal, që paratë që sot shkojnë në xhepat e oligarkëve, të shkojnë për të ndihmuar sipërmarrjen e vogël, biznesin e ndershëm dhe njerëzit e punës?, shkruan Basha në rrjetet sociale./ CNA.al





Lajmet e fundit nga