web counter
LEXO PA REKLAMA!

SHKARKO APP

App Store
Google Play

Bllokoi foltoren e Parlamentit/ Rudina Hajdari: Ishte një revoltë e sinqertë, ndalova Ramën të fliste

5 Tetor 2020, 21:05, Politikë CNA

Deputetja Rudina Hajdari bllokoi sot foltoren e Kuvendit, duke kërkuar që seanca të mbyllet dhe të hapen plotësisht listat.

Hajdari foli me tone të ashpra, ndërsa për këtë shpërthim është pyetur edhe nga gazetari Blendi Fevziu.

Hajdari tha se revolta e saj ishte e sinqertë dhe se me atë veprim ndaloi kryeministrin Edi Rama të dilte të fliste në foltore.

?Ishte totalisht i vërtetë, unë nuk di të gënjej. Unë nuk di të bëj politikë ndryshe, politika nuk mund të jetë arti i mashtrimit. Më kuptoni drejt, ajo që bëra në Kuvend është mjeti që kam unë në dorë. Unë ndalova Ramën që të dilte në atë foltore. Ishte një revoltë e sinqertë?, u shpreh deputetja në ?Opinion?.

Më tej, ajo theksoi se i erdhi shumë keq për votat që deputetët opozitarë dhanë pro ndryshimeve të Kodit Zgjedhor.

?Më erdhi keq për votat që u dhanë sot. Unë nuk ua di hallet e atyre njerëzve, nuk e di se si funksionojnë këta njerëz. Ne jemi aty rastësisht, ka një vend ku të revoltohesh dhe ka një vend që diskutohet. Unë sot u dhashë njerëzve shansin që të ndalnim këtë që ndodhi sot?, nënvizoi deputetja./ CNA.al





Lajmet e fundit nga