web counter
LEXO PA REKLAMA!

SHKARKO APP

App Store
Google Play

Në kërkim të suksesit historik, ja si mund të kualifikohet Kombëtarja U-21

9 Shtator 2020, 10:45, Sport CNA

Shqipëria U21 ditën e djeshme arriti të fitojë 3-1 ndaj Andorrës U21 dhe të sigurojë triumfin e dytë rresht, çka i jep mundësinë për të luftuar për vendin e dytë në grup. Në rast të këtij suksesi ata kombëtarja jonë mund të kualifikohet në kampionatin europian të të rinjve. Djemtë e Bushit aktualisht renditen të tretët në grup, një pikë pas Austrisë, e cila ka tre ndeshje për të luajtur ndaj Kosovës, Turqisë dhe Andorrës.

Ndërkohë kombëtarja jonë ka një ndeshje më pak për të luajtur dhe kanë mbetur sfidat ndaj Kosovës dhe Anglisë. Kështu, mund të themi se gjithçka është në dorë të Austrisë, por shpresat janë aty dhe djemtë tanë matematika i lejon të shpresojnë për të arritur në vendin e dytë. Ata shpresojnë në hapa fals të Austrisë, që kohët e fundit po përjeton një situatë të vështirë, teksa është mundur në dy ndeshjet e fundit.

Në rast se arrijmë vendin e dytë na duhet të konkurrojmë me skuadra të tjera në grupet e tjerë sepse në raundin tjetër kalojnë pesë skuadrat më të mira të renditura të dytat. Rumania (16 pikë), Portugalia (12 pikë), Polonia (16 pikë), Greqia (13 pikë), Franca (15 pikë) dhe Italia (13 pikë) janë para nesh dhe do na duhen hapa fals të tyre për të arritur të sigurojmë një biletë në fazën finale të kompeticionit.





Lajmet e fundit nga