web counter
LEXO PA REKLAMA!

SHKARKO APP

App Store
Google Play

E fundit!

x

Laçi kërkon ndihmë te klubi kosovar para ndeshjes me Hapoel, por merr përgjigje negative

9 Shtator 2020, 09:12, Sport CNA

Të gjitha skuadrat shqiptare, pjesëmarrësë në Europa League janë në garë për të shkuar më tej në kompeticionin e dytë për nga rëndësia në kontinent. Megjithatë, është thuajse e pamundur ta vazhdojnë këtë sukses për shkak se shorti ka vënë përballë kundërshtarë shumë të vështirë. Kukësi e Teuta kanë përballë Volfsburgun e Granadën, teksa e vetmja skuadër, që ka pak më shumë mundësi të shkojë më tej është Laçi, që do përballet më datë 17 ndaj izraelitëve të Hapoel Ber Sheva.

Te kampi kurbinas besojnë se mund të shkojnë më tej dhe po punojnë për të sjellë përforcime në skuadër. Huazimet janë një ide mjaft e mirë, teksa mësohet se drejtuesit e Laçit kanë kërkuar ndihmën e klubit dardan të Ballkanit për sfidën ndaj gjigantëve izraelitë. Ata kanë kërkuar të huazojnë për vetëm këtë ndeshje Arbër Potokun dhe Meriton Korenicën.

Potoku aktivizohet si mbrojtës i majtë dhe është një nga pikat më të forta të skuadrës së Ismet Munishit. Ndërkohë Korenica luan si sulmues i majtë dhe i është bashkuar Ballkanit këtë verë nga skuadra e Prishtinës, me të cilën sezonin e fundit fitoi Kupën e Kosovës dhe arriti të shënojë nëntë gola. Megjithatë, asnjëri nuk do i bashkohet Laçit sepse Ballkani e ka refuzuar kërkesën për t?i huazuar. Kosova është në prag të nisjes së kampionatit dhe klubi nga Suhareka nuk ka dashur t?i rrezikojë lojtarët.





Lajmet e fundit nga