web counter
LEXO PA REKLAMA!

SHKARKO APP

App Store
Google Play

Kukësit i vjen një ofertë nga Turqia për Eduart Rocën

9 Shtator 2020, 06:39, Sport CNA

Kukësi është duke u përgatitur për ndeshjen kundër Volfsburgut, por situata brenda skuadrës ?zien? sa i përket merkatos, qoftë në hyrje dhe dalje. Është pikërisht Eduart Rroca, për të cilin ka pasur një ofertë konkrete në klub nga Turqia.

?Panorama Sport? zbulon nga burime të sigurta se një skuadër e Superligës turke (emri mbahet sekret nga klubi verilindor) është gati të japë 130 mijë euro për blerjen e kartonit të fanazistit te Kukësi.

Performanca mjaft e mirë e 27- vjeçarit ndaj Slavias së Sofies ka rënë në sy për mirë tek agjentët turq. Për shkak se negociatat mes palëve janë në një fazë shumë të rëndësishme, te Kukësi janë kujdesur që gjithçka të mbahet e fshehtë deri në arritjen e marrëveshjes së plotë.

Palët janë në bisedime e sipër, por pritet edhe një miratim i presidentit Gjici për këtë transferim. Klubi rrezikon ta humbasë Rrocën në janar 2021, pasi atëherë i skadon kontrata, prandaj dhe interesi në këtë moment për ta shitur është i madh. Drejtuesit e klubit e kanë situatën në dorë, duke parë mirë çdo detaj në lidhje me 27-vjeçarin.

Rroca është një ndër shtyllat e Kukësit, ku në 33 ndeshje sezonin që lamë pas në kampionat, arriti të shënojë edhe 4 gola. Kukësi shpenzoi 50 mijë euro për blerjen e fantazistit nga Luftëtari në janarin e vitit 2019. Rroca firmosi për dy vite me Kukësin dhe për 5 muaj i përfundon kontrata.





Lajmet e fundit nga