E fundit!

20:02 Aktualitet

FOTOLAJM/ "E vërteta nuk varroset", protestuesit pankarta për Ardit Gjoklajn dhe inceneratorin e Tiranës

Në ditën e nëntë të protestës kundër qeverisë dhe kryemini...

VIDEO/ Fitore karakteri! Shqipëria U21 përmbys me 3 gola Andorrën

8 Shtator 2020, 18:59, Sport CNA

Kombëtarja Shpresa ka triumfuar me përmbysje ndaj Andorrës në sfidën e vlefshme për kualifikueset e Europianit. Skuadra iberike kaloi e para në avantazh në minutën e 2-të, falë një penalltie të fituar në sekondën 50. Pavarësisht tentativave, kuqezinjtë nuk arritën të gjenin rrugën e rrjetës në fragmentin e parë të lojës, teksa duhet të prisnin pjesën e dytë, për të realizuar fitoren e karakterit.

Ishte mbrojtësi Adolf Selmani ai që i hapi rrugën përmbysjes në minutën e 62-të, falë një goditje të saktë me kokë. Për të kaluar në avantazh Shqipërinë U-21 mendoi Xhakomo Vrioni, i cili realizoi me kokë në minutën e 85-të. Kapakun këtij triumfi ja vendosi sulmuesi Bullari, edhe ky i hedhur nga stoli, duke shënuar golin e tretë në sekondat e fundit.

FT: SHQIPËRI U21 ? ANDORRË U21 3-1

A. Selmani 62?, Vrioni 85?, Bullari 90+4? / Alaez 2? (p)

Përfundon takimi!

90+4? GOOOOOL SHQIPËRIA 3-1/ Shënon edhe Bullari duke vulosur gjithçka. Pas një perle të Kallakut nga distanca, e cila u ndal nga shtylla, ishte Bullari që ndoqi bukur aksionin dhe me portën e boshatisur e dërgoi topin në rrjetë.

85? GOOOOL SHQIPËRIA 2-1/ Kuqezinjtë përmbysin rezultatin me Vrionin. Pas asistit të Ismajlgecit, futbollisti i Juventusit, godet saktë me kokë, duke përshëndetur rrjetën.

62? GOOOOL SHQIPËRIA 1-1/ Fantastik Adolf Selmani. Tjetër gol për mbrojtësin e Laçit. Pas një harkimi të Kallakut nga këndi, gjiganti kuqezi godet saktë me kokë, duke përshëndetur rrjetën.

2? GOL ANDORRA 0-1/ Kapiteni Alaez realizon nga pika e bardhë e penalltisë!

1? E pabesueshme, Andorra fiton penallti në sekondën e 50-të pas ndërhyrjes së gabuar të Bajramit brenda zonës.

FORMACIONET ZYRTARE:

SHQIPËRIA (4-2-3-1 ): G.Selmani; Marku, Bajrami, A.Selmani, Ismailgeci; Çelhaka, Kallaku; Muçi, Dobra, Xhixha; Tuci; Trajner: Alban Bushi

ANDORRA (4-3-3): Pires, Torres, Alavedra, Guillen, Gomes, Aleks Martinez, Izquierdo, Roberto Rebelo, Rosas Ubaç, Alaez, Fernandez.