web counter
LEXO PA REKLAMA!

SHKARKO APP

App Store
Google Play

Suarez te Juventusi, Barcelona dhe "Zonja e Vjetër gjejnë marrëveshjen

9 Shtator 2020, 07:35, Sport CNA

Afrimi i një sulmuesi vazhdon të jetë prioritet në ambientet e Juventusit dhe emri i Luis Suarezit mbetet ai më i nxehti. Sulmuesi uruguaian, siç dihet, po diskuton largimin e parakohshëm nga Barcelona, meqenëse kontrata e tij skadon vetëm në vitin 2021.

Megjithatë, risia e orëve të fundit të ditës së djeshme është që bardhezinjtë mund t?i japin një dorë për t?u liruar. ?Zonja?, në fakt, është gati t?u paguajë katalanasve një kuotë për ta lënë të lirë bomberin, një formulë e ngjashme me atë të përdorur nga Sevija për të marrë sërish Rakitiçin: 1,5 milionë euro menjëherë, plus 9 si bonuse të lidhura me rezultatet, ndaj jo lehtësisht të arritshëm.

Ndërkohë, Paratiçi dhe Nedved po studiojnë pra mënyrën për të lehtësuar lamtumirën e Suarezit nga Barcelona dhe për t?i lejuar të bashkohet me Juventusin pasi gjatë ditëve të kaluara mes lojtarit dhe klubit bardhezi është gjetur edhe akordi mbi pagën: flitet për rreth 10 milionë euro në sezon për tri vite, përfshi bonuset.

Mbetet, normalisht, ?nyja? e pasaportës: Suarez do të duhet t?i nënshtrohet një provimi të italishtes dhe të tregojë një njohje të gjuhës jo më të ulët se niveli B1 që të mund të marrë pasaportën komunitare dhe për të marrë kështu lejen për të zbarkuar në Torino, meqenëse hapësira e bardhezinjve për ekstrakomunitarët është mbushur nga afrimet e Arturit dhe MekKenit. Të mos gënjejë fakti që edhe dy ditë më parë uruguaiani u stërvit me shokët te Barça, sepse derisa të zgjidhet praktika e pasaportës, do të qëndrojë katalanas.





Lajmet e fundit nga