web counter
LEXO PA REKLAMA!

SHKARKO APP

App Store
Google Play

Buxhuku zbulon fajtorin/ Kriza ekonomike nuk lidhet me pandeminë

1 Shtator 2020, 10:20, Ekonomi CNA

Administratori i përgjithshëm i ?Konfindustrias?, Gjergj Buxhuku tha  se kriza në ekonominë shqiptare nuk lidhet drejtpërdrejtë me pasojat nga tërmeti apo pandemia, pasi sipas tij situata në ekonominë shqiptare ka qenë shumë e vështirë edhe përpara.

Sipas Buxhuku, tërmeti dhe pandemia thjesht e përshpejtuan rënien e një sistemi të ndërtuar keq që para 30 vitesh, i cili duhet ndryshuar në mënyrë thelbësore.

?Shkaqet janë shumë të thella dhe nuk lidhen me pandeminë e tërmetin, por janë thelbësore. Tani po përballemi me pasojat e një sistemi të ndërtuar keq për 30 vjet.

Pasojat e menaxhimit të pandemisë thjesht e kanë përshpejtuar problemin. Ka ndodhur që një pjesë e problematikës në kushtet e pandemisë nuk varet vetëm nga ekonomia shqiptare, është globale.

Tek bizneset e  vogla është më i shpejtë pasqyrimi i krizës, por e njëjta është situata edhe tek bizneset e mëdha, ku problematikat janë shumë të thella. Ajo që mund të bëjmë është ndryshimi rrënjësor i politikave ekonomike të ndjekura deri tani?, tha Buxhuku për Euronews Albania.

Sipas kreut të Konfindustrias, ekonomia shqiptare është ekonomi e tregjeve të mbyllura, me konkurrencë zero.

?Janë grupe oligopoli dhe monopoli që ndikojnë në çmimin e lartë të shërbimeve dhe cilësinë e ulët të shërbimeve.

Qeveria e tregoi edhe me paketën e ndihmës, më e vogla në rajon, 100 mln euro gjithsej tregoi se s?ka kapacitet financiar.

Qeveria e mban shpresën tek rritja e borxhit, problem i madh është përdorimi i këtyre parave, por duhet të shohë çfarë mund të bëjë me lehtësirat fiskale për bizneset?, tha Buxhuku.





Lajmet e fundit nga