web counter
LEXO PA REKLAMA!

SHKARKO APP

App Store
Google Play

E fundit!

x

Kostoja e lartë e subvencionimit të biznesit me para publike

26 Gusht 2020, 08:07, Ekonomi CNA

Nga Klodian Tomorri 

Kur nisi pandemia dhe qeveritë kufizuan aktivitetin ekonomik, ekspertët në mbarë botën debatuan se si duhet të ishte ndihma shtetërore.

Përgjithesisht ekonomistët u ndanë në dy grupe. Një grup (kryesisht të majtet) kërkonin që biznesi të ndihmohej me para falas nga buxheti, ndërsa grupi tjetër (kryesisht të djathtët) sugjeruan që buxheti të mbante përsiper vetëm koston sociale të bllokimit.

Pra jo para falas për biznesin, vetëm ndihmë sociale për njerëzit.

Në Shqipëri ishte e kunderta. Të dhathtet dhe ekspertët e tyre shkuan majtas, qeveria kapërceu djathtas.

Tani ekonomistët kane filluar të masin efektet e para të ndërhyrjes shtetërore.

Në SHBA, qeveria federale miratoi një program të ashtuquajtur Programi i Mbrojtjes së Punonjësve të Biznesit të vogël, permes të cilit i dha 520 miliardë dollarë bizneseve të vogla për të mbajtur njerëzit në punë. (Fillimisht si kredi, por nëse biznesi i mbante në punë njerëzit me të njëjtën rrogë, kredia falej).

Cilat janë efektet?

Ray Chetty, profesor i ekonomiksit publik në Harvard së bashku me disa kolege gjetën në një paper se impakti i programit në ruajtjen e vendeve të punës ka qënë i papërfillshëm, perkatesisht 3.4 pikë përqindje.

David Autor nga MIT, ka përllogaritur se për çdo vend pune te ruajtur qeveria amerikane ka paguar 225 mijë dollarë nga paratë e qytetarëve. Kjo shumë do të mjaftonte që këta punonjes të paguheshin 1 mijë dollarë në muaj për 20 vjet rresht nga qeveria pa bërë asgjë.

Të dy paperat, që tashmë po citohen gjerësisht nga ekonomistët në SHBA, konfirmuan edhe një herë se subvencionimi i biznesit është në çdo rrethanë shpërdorim i parave publike. Shkurt buxheti nuk duhet të shkojë asnjëherë dhe për asnjë shkak, përtej dimensionit social.





Lajmet e fundit nga