web counter
LEXO PA REKLAMA!

SHKARKO APP

App Store
Google Play

E fundit!

x

“Shkojnë në universitet e përfundojnë në politikë”/ Manjani “godet” të rinjtë: Po shtoni analfabetizmin…

25 Gusht 2020, 10:45, Politikë CNA

Ish-ministri i Drejtësisë Ylli Manjani ka goditur të rinjtë që shkojnë në universitet dhe lenë studimet për t?u futur në politikë.

Në një postim në rrjetet sociale, Manjani shkruan se ky është një devijim i rëndë dhe dështim, pasi thekson se kështu po shtohet analfabetizmi funksional në politikë.

Ish-ministri pretendon se shoqëria po  humb burime njerëzore profesionistësh dhe familjet po humbin investimet.

Ai deklaron se kjo situatë ka një zgjidhe, por thekson se si fillim duhet të departizohet rinia.

?Është devijim i rëndë kur të rinj që shkojnë në universitet për t’u arsimuar dhe përfundojnë në politikë. Modeli që ndërpret shkollën për t’u bërë deputet apo anëtar partie është dështim, si për rininë ashtu edhe për politikën. Ky model shton analfabetizmin funksional në politikë. Shoqëria humb burime njerëzore profesionistësh. Familjet humbin investimet e tyre për të ardhmen e fëmijëve.

Sistemi edukativ përmbyset i gjithi. Rinia demotivohet dhe në kushtet e përhapjes së analfabetizmit dhe antivlerave, largohet nga vendi… Zgjidhje ka, pa dyshim. Po si fillim duhet departizimi i rinisë. Në vijim arsimimi i saj sipas prirjeve por edhe nevojave të tregut. Ndërprerja e ciklit arsimues është gabim i madh?, shkruan Manjani./ CNA.al





Lajmet e fundit nga