web counter
LEXO PA REKLAMA!

SHKARKO APP

App Store
Google Play

E fundit!

x

Studimi tronditës për Shqipërinë/ Meta jep alarmin: Trishtim më të madh nuk mund të ketë!

25 Gusht 2020, 08:03, Politikë CNA

Presidenti Ilir Meta ka reaguar në lidhje me një studim të “The Economist”, sipas të cilit Shpejtësia e plakjes së popullsisë në Shqipëri është tronditëse.

Po ashtu parashikohet se në vitin 2100, popullsia e Shqipërisë do të jetë vetëm 860 mijë banorë.

?Shqipëria po tkurret dhe po plaket me ritme thellësisht dramatike, si asnjë shtet tjetër në Europë.
Në studimin e publikuar së fundmi nga “The Economist”, varianti pesimist parashikon që në vitin 2100, popullsia e Shqipërisë do të jetë vetëm 860 mijë banorë.
Shpejtësia e plakjes është gjithashtu tronditëse: mosha mesatare sivjet është 37.2 vjeç, por pas 10 vjetësh parashikohet të rritet në 42.1 vjeç.
Trishtim më të madh nuk mund të ketë!?-shkruan Meta.

Më tej, kreu i shtetit thekson se një vend i bekuar nga Zoti me bukuri të jashtëzakonshme dhe pasuri natyrore që jo shumë vende në botë i kanë, po braktiset gjithmonë e më shumë.

?Edhe pse qeveritë në planin afatshkurtër mund të përfitojnë nga emigrimi pasi kështu ulen fiktivisht treguesit e papunësisë apo mund të rriten të ardhurat nga remitancat, në perspektivë mosadresimi i menjëhershëm dhe në mënyrë agresive i këtij fenomeni do të kishte pasoja katastrofike sidomos për një vend si i yni.
Koha është tani për të rikthyer shpresën dhe besimin se Shqipëria?? ka Diell?? për të gjithë dhe jo vetëm për disa.
Koha që shqiponjat të kthehen në folenë e tyre!?-përfundon postimin e tij Ilir Meta./ CNA.al





Lajmet e fundit nga