web counter
LEXO PA REKLAMA!

SHKARKO APP

App Store
Google Play

“Rama nuk e dorëzon pushtetin lehtë”/ Maliqi: Në vjeshtë do ketë një zgjim të madh

24 Gusht 2020, 17:48, Politikë CNA

Deputeti i opozitës Lefter Maliqi deklaroi pasditen e sotme se kryeministri Edi Rama po e mban pushtetin me manipulime, krime dhe vjedhje.

Maliqi pretendon se në zgjedhjet e ardhshme opozita e Lulzim Bashës e ka të sigurt fitoren, pavarësisht mangësive që ka.

Sipas tij, Rama nuk e dorëzon pushtetin lehtë, ndaj kërkon një mobilizimi total në çdo qendër votimi dhe në çdo KZAZ.

Ai paralajmëroi në Rtv Ora se në vjeshtë do ketë një zgjim të madh nga qytetarët kundër qeverisë.

?Ky është një frikacak i cili e mori pushtetin me krimin, dhe është i mbajtur peng. Ky është një Ramashenko i dytë, nëse Lukashenko doli me automatik, ky del me antiplumb. Unë kam besim te një zgjim te vjeshta, do ketë një zgjim të madh. Besoj dhe shpresoj që shqiptarët në zgjedhjet e ardhshme do të dijnë të votojnë e të zgjedhin deputetë me integritet. Jo si ky parlament, i cili fatkeqësisht u bë shoë mediatik, teatër, saqë nuk emërohen edhe emisionet televizive, me humorin e tyre lidhur me parlamentin shqiptar. Unë besoj dhe shpresoj që mbas seancës së parë parlamentare të kemi një zgjim të madh qytetar, të shoqërisë civile, socialistëve të zhgënjyer, opozitës së bashkuar?, theksoi deputeti./ CNA.al





Lajmet e fundit nga