web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në situatë kritike/ Meta bën thirrjen urgjente

24 Gusht 2020, 08:17, Politikë CNA

Presidenti Ilir Meta ka reaguar pas publikimit të hartës së OBSH-së, sipas së cilës Shqipëria ka numrin më të ulët të mjekëve, ku ia kalon vetëm Afrikës dhe Indisë.

Në një postim në rrjetet sociale, Meta e cilëson këtë si një problem mjaft serioz për sistemin tonë shëndetësor, ndërsa shton se duhet të gjendet menjëherë zgjidhja për të ndalur largimin e mjekëve.

?Numri tepër i ulët i mjekëve për banor në Shqipëri është një problem shumë serioz i sistemit tonë shëndetësor.

OBSH evidenton shumë qartë këtë situatë kritike në raportet e saj.

Shqipëria paraqet numrin më të ulët të mjekëve për banorë se sa shumë vende të Ballkanit dhe kjo është e papranueshme.

Shëndeti, si e mirë themelore e shqiptarëve duhet rivlerësuar nga qeveria, opozita dhe shoqëria civile dhe kërkon një zgjidhje të shpejtë të problemit të mjekëve, të cilët përbëjnë zemrën e sistemit shëndetësor.

Të mos hezitohet në asnjë çast për të bërë çdo investim që duhet nga financat publike për të zgjidhur këtë problem kardinal.

Situatat që po kalon vendi lidhur me pandeminë COVID-19, janë provë shumë e qartë se pa një sistem shëndetësor plotësisht efiçient dhe të plotësuar me mjekë, shëndeti i qytetarëve do të jetë i rrezikuar.

Sfidat e shëndetit publik janë në rritje ndaj duhen politika më largpamëse, jo vetëm për të frenuar largimin, por për të rritur, motivuar dhe fuqizuar personelin shëndetësor?-shkruan Meta./ CNA.al

Harta e OBSH-së: Shqipëria ndër vendet me numrin më të ulët të mjekëve në botë/ Ia kalojmë vetëm Afrikës e Indisë





Lajmet e fundit nga