“Edvin kërkoi ndjesë Greqisë”/ Berisha krahason shifrat: Shqipëria 4 herë më shumë viktima

23 Gusht 2020, 12:33, Politikë CNA

Ish-kryeministri Sali Berisha këshillon kryeministrin Edi Rama që t?i kërkojë falje Greqisë, pasi pretendon se shifrat e pandemisë e akuzojnë rëndë.

Berisha kujton deklaratat e Ramës në fillim të prillit, ku sulmonte disa vende të Europës dhe botës, ndër të cilat edhe Greqinë për keqmenaxhimin e pandemisë.

Ish-kryetari i PD-së thotë se sot pas 6 muajve, megjithë manipulimin e falsifikimin e shifrave Greqia ka një bilanc më të ulët se vendi jonë.

?Sot pas 6 muajve të Pandemisë, megjithë manipulimin e falsifikimin e shifrave të pandemisë nga ai nëpërmjet kufizimit dhe ultra centralizimit të testimit, vdekjeve të shumta jashtë spitalore apo dhe spitalore nga Covid-19 të përjashtuara si të tilla për motivë politike pra duke u bazuar vetëm në të dhënat zyrtare që publikon çdo ditë Ëorldmetër Coronavirus rezulton se: Greqia me popullatë mbi 10 milionë banore, pra 3,6 herë më të madhe se Shqipëria, kishte deri më datën 22 gusht gjithsej 238 vdekje dhe 8138 të infektuar nga Covid 19, nga të cilat 204 raste të reja. Ndërsa Shqipëria kishte deri këtë datë gjithsej 240 vdekje dhe 8119 te infektuar nga Covid-19 dhe kishte 152 raste të reja me Covid-19.

Nga analiza për 1 milionë banor e statistikave të Covid-19 në të dy vendet deri më datën 22 gusht tregon se:
1-Greqia ka 781 raste të infektuar me Covid-19 për 1 milionë banorë kundrejt 2822 raste që ka Shqipëria apo 4 herë më shumë se sa Greqia
2-Greqia ka bërë 79381 teste për 1 milionë banorë kundrejt 17 390 teste që ka bërë Shqipëria për 1 milionë banorë. Pra Greqia ka bërë 4,56 herë më shumë teste se sa Shqipëria për 1 milionë banor dhe ka 4 herë më pak se sa Shqipëria të infektuar për 1 milionë banorë. Vetëkuptohet në rast se Shqipëria do të kishte bërë numrin e testeve që ka bërë Greqia, numri i të infektuarve në Shqipëri nuk do ishte 4 por 6-8 herë më i lartë se sa në Greqi.
3-Greqia ka 23 të vdekur për 1 milionë banorë ndërsa Shqipëria numëron 83 të vdekur për 1 milionë banorë, pra në Greqi numri i të vdekurve nga Covid-19 është rreth 4 herë më i ulet se sa në Shqipëri?, shkruan ai në rrjetet sociale.

Më tej, Berisha nënvizon se: ?Kushtet e përhapjes së infeksionit, po të kemi parasysh shkallën më të lartë të urbanizimit në Greqi, ishin shumë më të favorshme në Greqi se sa në Shqipëri, por Greqia ka këto rrezultate sepse:
1-Greqia testoi gjerësisht domethënë bëri hetim të vërtetë epidemiologjik dhe jo të rreme apo fals si Edvini, pasi në Greqi hetimin epidemiologjik e bënin ekspertët dhe jo kryeministri siç ndodhte në Shqipëri.

2-Greqia ishte e pregatitur dhe dispononte në kohë materialet mbrojtëse për punonjësit e shëndetësisë dhe maskat për popullatën ndaj dhe në Greqi spitalet e mëdha nuk u shndërruan në bomba biologjike siç ndodhi në Shqipëri me QSUT. Qeveria greke nuk shfrytëzoi pandeminë për të bërë tendera sekretë dhe vjedhur në kurriz të të sëmurëve shuma marramendëse me to siç bëri Edvin Hajduti dhe Ndrikull Hajnia.

3-Greqia ka një urgjencë të vërtetë dhe jo alo -alo paracetamol e të politizuar që në zbatim të urdhrit politik sjellë në spitale aq sa i thonë. Përveç kësaj Greqia angazhoi për kujdesin e të sëmurëve me Covid-19 mjekun e familjes.

Miq, unë e di se ndjesa tek Edvini nuk ekziston por u ndala në këtë analizë për të paraqitur me metodë krahasuese pasojat e rënda që ka për Shqipërinë keqmenaxhimi i pandemisë së Covid-19 nga Edvin Hajduti dhe ndrikull Hajnia. sb?./ CNA.al