E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Ish-ministri i Shëndetësisë leksion qeverisë/ Si mund të vihet pandemia në kontroll

22 Gusht 2020, 18:47, Politikë CNA

Ish-ministri i Shëndetësisë Petrit Vasili i ka dhënë disa këshilla qeverisë dhe kryeministrit Edi Rama lidhur me pandeminë e koronavirusit.

Në një postim në rrjetet sociale, Vasili deklaron se pandemia do të vihet nën kontroll nëse do të investohet në shëndetin publik.

Nëmri 2 i LSI-së kërkon që të rriten intensivisht kapacitetet laboratorike testuese dhe aftësitë e përpunimit të të dhënave.

?Qeveri e KM, investoni në shëndet publik dhe pandemia do të vihet shumë shpejt në kontroll! Investime në shëndet publik, kyçi i përballimit të Pandemisë!! Investimi në shëndet publik në tërësi dhe mbi të gjitha në Institutin e Shëndetit është pika kyce për të menaxhuar pandeminë. Pa rritur intensivisht kapacitetet laboratorike testuese dhe aftësinë e përpunimit të të dhënave, pandemia do të ketë një menaxhim kaotik, të pa shënjestruar dhe pa aftësi prognozimi.

Investimet duhet të jenë të shpejta dhe me peshë sepse situata është emergjente dhe duhen kryer testime të bollshme pa të cilat nuk mund të ndërtohet asnjë model epidemiologjik që mundëson racionalizimin e ndërhyrjeve dhe targetimin e tyre. Pa ekstension të teknologjive në rrjetin e institucioneve që udhëheqin procesin si ISHP etj është absolutisht e pamundur të përballohet situata. Stresi dhe demotivimi për shkak të mbingarkesës do të ulë pashmangshmërisht kapacitetet dhe cilësinë.

Ështe fakt se institucioni më i rëndësishëm në vend, Instituti i Shëndetit Publik përballon situatën me të njejtin Laborator të ngritur në fundin e vitit 2010 në rastin e Epidemisë së Gripit të Derrit. Numrat jane gjithnje ne rritje dhe prognoza e pandemise nuk mund te trajtohet si oroskop. Ndaj nje masterplan investimesh me ne qender Institutin e Shendetit Publik eshte rruga e vetme e pashmangshme. Trajtimi i Pandemise strategjikisht duhet te orientohet nga mekanizmat, qe orientojne veprimet ne nivel vendi sic jane ISHP dhe Drejtorite Lokale te Shendetit Publik?, shkruan ai.

Në mbyllje, Vasili thekson se situata nuk pret më, ndaj kërkon që inestimet të bëhen sa më shpejt./ CNA.al