web counter
LEXO PA REKLAMA!

SHKARKO APP

App Store
Google Play

E fundit!

x

Skandali me kryebashkiaken e Roskovecit/ Alibeaj: Po i shërben trafikantëve të drogës

22 Gusht 2020, 14:31, Politikë CNA

Ish-kryeministri Sali Berisha ka publikuar denoncimin e një qytetari, i cili ngre akuzat se kryebashkiakja e Roskovecit, Majlinda Bufi është vënë në krye të trafikut të hashashit të mbjellur në Skrapar, ndërsa pretendon policia fsheh arestimin në flagrancë të shoferit të saj me 85 kg kanabis.

Për këtë ka reaguar edhe ish-deputeti i Partisë Demokratike, Enkelejd Alibeaj, i cili ka sulmuar Bufin dhe kryeministrin Edi Rama.

Demokrati deklaron se nën drejtimin e Ramës, drogën mund ta bësh me makinën e Ministrit të Brendshëm, por mund ta bësh edhe me makinën e kryetarit të Bashkisë.

Sipas tij, mjafton të kesh garancitë e Edi Ramës se nuk do të shkarkohesh dhe droga derdhet lumë me makinat e shtetit.

?Çfarë po bën Majlinda Bufi?

Kryebashkiakja ilegjitime e Bashkisë së Roskovecit akoma nuk e ka dënuar aktin e trafikut të drogës me makinën e saj nga nipi i saj. Kryebashkiakja ilegjitime e Edi Ramës nuk mohon dot atë që ka dalë në pazarin e Roskovecit me kohë. Ajo përdoret dhe u shërben disa trafikantëve të drogës, njësoj si shefi i saj në Tiranë dhe si shumë homologë në bashki të tjera të vendit.

Çfarë bën policia në këtë rast?

A e ka marrë në pyetje kryebashkiaken për trafikun e drogës nga nipi i saj me makinën e saj? Ajo që dimë deri tani, është se policia as që e ka bërë publik faktin, siç nxiton për raste të tjera, kur pushteti i Edi Ramës nuk implikohet drejtpërsëdrejti.

Çfarë bën kryeministri? A e shkarkoi ai kryebashkiaken e Roskovecit?

Pyetja është më shumë retorike. Edi Rama nuk ka shkarkuar asnjë kryebashkiak që është verifikuar me të shkuar kriminale. Ai thjesht ka heshtur që koha të mbulojë llumin me të cilin drejton vendin?, shkruan Alibeaj në rrjetet sociale./ CNA.al

Skandali-Kryebashkiakja transporton drogë me makinën e saj/ Prangoset në flagrancë shoferi





Lajmet e fundit nga