web counter
LEXO PA REKLAMA!

SHKARKO APP

App Store
Google Play

Lista me kandidatët e PD/ Komisioni i Vlerësimit përjashton 2/3 e emrave, nuk përmbushën kriteret kyçe

21 Gusht 2020, 16:58, Politikë CNA

Komisioni i Vlerësimit të Kandidatëve po përzgjedh emrat për deputetë dhe kryetarë bashkie.

Mësohet se PD ka dorëzuar 3600 emra dhe komisioni duhet të hartojë një listë paraprake me 1000 emra. Por raportohet se deri më tani Komisioni i Vlerësimit ka përjashtuar më shumë se 2/3 e propozimeve.

Një pjesë e mirë e kandidatëve nuk kanë mundur ta kalojnë fazën e parë të përzgjedhjes, duke qenë se nuk kanë përmbushur disa kritere kyçe.

Sipas A2, PD synon të harmonizojë emrat e rinj me njerëzit që kanë vite që janë pjesë e strukturave demokrate, por kërkohet gjithashtu edhe përfaqësimi më i lartë i grave, që duhet të jetë jo më pak se 30% nga totali i kandidaturave.

Ndërkohë, pas përfundimit të fazës së parë të përzgjedhjes, e cila pritet të mbyllet të martën, 1000 emrat e dërguara nga PD do të japin të dhëna të detajuara për jetën personale dhe për raportet me drejtësinë.

Ky proces është quajtur nga PD si vetting brenda partisë, ndërsa lista e shkurtuar me 300 kandidatë do të shkojë në Këshillin Kombëtar të PD./ CNA.al





Lajmet e fundit nga