E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rihapja e shkollave/ Duka: Duhet të jetë prioritet, Covid-19 ka sjellë pasoja të rënda te fëmijët

21 Gusht 2020, 16:33, Politikë CNA

Partia Agrare Ambientaliste e Agron Dukës, ka dalë me një deklaratë për mediat, lidhur me rihapjen e shkollave.

PAA vlerëson se rikthimi i fëmijëve në institucionet para arsimore dhe i nxënësve në klasat e 9-vjeçareve, duhet të jetë prioriteti kryesor i strategjisë kombëtare.

Partia e Dukës thotë se Covid-19 ka sjellë pasoja të rënda në shëndetin mendor të fëmijëve, në mos-arsimimin e tyre dhe në reduktimin e pasojave negative direkte dhe indirekte afatgjata në jetë.

Sipas PAA-së, zbatimi strikt i protokolleve është rruga e vetme e mos-kthimit pas.

?Hapja duhet të jetë e përhershme, kjo kërkon përgjegjësi maksimale të stafeve mësimore, mjekësore dhe administrative të drejtimit dhe funksionimit të shkollave. Ministria e Arsimit dhe Ministria e Shëndetësisë duhet të ofrojnë gjjithë mjetet dhe pajisjet e nevojshme logjistike për respektimin e protokolleve anticovid-19 nëçdo shkollë të vendit.

Hapja dhe vazhdimi i suksesshëmi shkollave kërkon një angazhim maksimal të mësuesve, mjekëve, prindërve dhe vetë nxënësve. Hapja e përhershme e shkollave nuk është një detyrim vetem i qeverisë por edhe i bashkëpunimit efektiv të prindërve, mësuesve, mjekëve, nxënësve dhe komuniteteve shoqërore. Vetëm nëpërmjet një bashkëpunimi efektiv të gjithë faktorëve, hapja e shkollave mund të jetë e përhershme dhe efektive?, thuhet në deklaratë./ CNA.al