web counter
LEXO PA REKLAMA!

SHKARKO APP

App Store
Google Play

E fundit!

x

Rama thumbon Voltana Ademin/ “Në Shkodër, na ka ngecur sharra në gozhdën e bashkisë”

23 Gusht 2020, 14:03, Politikë CNA

Kryeministri Edi Rama ka thumbuar kryebashkiaken në detyrë të Shkodrës Voltana Ademi, teksa ka publikuar një video të Ulzës.

Rama pretendon se qeveria e tij ka investuar shumë në veri dhe do të vazhdojë të investojë.

Kreu i qeverisë thotë se Shkodra i ka mbetur më prapa, pasi pretendon se i ka ngecur sharra në gozhdën e bashkisë.

“Ulza e mrekullueshme, ku para disa vitesh s’kishte as rrugë për të shkuar e përveç njerëzve të mrekullueshëm, gjithçka tjetër kishte vulën e rrënimit, sot është kthyer në një destinacion turistik, ku do vijojmë të investojmë në infrastrukturë e të mbështesim nismat për bujtina turistike e për agrobiznes.

Për ata që bëjnë sikur nuk shohin dhe nuk kuptojnë, e që hedhin këtu romuze për Veriun e braktisur, sa herë postohet një punë e bërë në jug, Ulza është në Veri, në qarkun e Dibrës, siç janë në Veri edhe Puka, Malësia e Madhe, Thethi, Alpet e me radhë Kukësi, Mirdita, etj., ku kemi investuar (do doja më shumë edhe në Shkodër, ku rëndom na ka ngecur sharra në gozhdën e bashkisë që s’di, s’do, s’kupton) dhe do të vazhdojmë të investojmë, edhe më shumë, sepse Shqipëria është “nji jug e veri”, shkruan ai./ CNA.al





Lajmet e fundit nga