web counter
LEXO PA REKLAMA!

SHKARKO APP

App Store
Google Play

E fundit!

x

Balla thumbon opozitën e Bashës/ Flet me bindje: PS do marrë mandatin e tretë

24 Gusht 2020, 18:03, Politikë CNA

Kryetari i Grupit Parlamentar të PS-së Taulant Balla, ka zhvilluar sot një takim me ekipet drejtuese vendore të Partisë Socialiste.

Balla bën me dije se takimi ka pasur në fokus planin organizativ, në thellimin e barazisë gjinore brenda partisë më të madhe shqiptare si dhe në vendosjen e piketave tona strukturore për zgjedhjet e Prill-Majit 2021.

Numri 2 i PS-së deklaron me bindje se në zgjedhjet parlamentare, partia ku ai bën pjesë do të marrë besimin e shqiptarëve për mandatin tonë të tretë me Edi Ramën Kryeministër.

“Duke respektuar të gjitha masat e domosdoshme mbrojtëse ndaj Covid-19, ne duhet të jemi në komunikim të vazhdueshëm me komunitetet, sipërmarrjen, të rinjtë, fermerët, me njërëzit e thjeshtë dhe të zakonshëm. Në shtator duhet të vijojmë me konsultimet për buxhetet vendore. Operacioni humanitar i ndihmës për familjet në nevojë gjatë izolimit, por edhe çdo ditë më pas, ishte shprehje e diferencës së madhe të solidaritetit social, me ?7×7=42?-at që përqeshnin e shajnë gjithë ditën nga televizori dhe facebook-u.

Dobësia e thellë e kundërshtarit nuk duhet të na vetëkënaqë, duke lënë pas dore për asnjë moment organizmin/përmirësimin e strukturës së Partisë sonë në çdo cep të territorit. Partia Socialiste mbetet e vetmja forcë politike ku shumica e shqiptarëve besojnë përgjegjësinë qeverisëse dhe aspiratën për integrim Europian. Qasja jonë ka qenë dhe mbetet e qartë: ne duhet të vazhdojmë të qeverisim me besnikëri të madhe ndaj njerëzve të zakonshem të këtij vendi, të cilët janë aleatët tanë të vetëm”, shkruan Balla në rrjetet sociale./ CNA.al





Lajmet e fundit nga