E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

“Fajin e ka Ismail Qemali!”/ Ish-ministri: Boll ja hëngrët meritat Edit

25 Gusht 2020, 10:37, Politikë CNA

Ish-ministri Petrit Vasili ka ironizuar pak më parë kryeministrin Edi Rama lidhur me situatën aktuale.

Vasili thotë se është padrejtësi e madhe kjo që po i bëhet Ramës, pasi fajin e ka Ismail Qemali.

Nënkryetari i LSI-së thotë se Rama mund ta zgjidhë krizën e Bjellorusisë duke sjellë Lukashenkon në Shqipëri dhe duke shkuar vetë atje.

Ai ka bërë edhe një thirrje për mediat, ku me tone ironike thotë se nuk duhet t’i bien në qafë Ramës dhe nuk duhet t?ja heqin meritat.

?Fajin e ka Ismail Qemali! Dikush në media fajin për vuajtjet, që po “heq” Edi Rama i çoi deri tek Adil Çarçani. Mu duk vërtet një padrejtësi shumë e madhe kjo që i bëhet “qëllimisht” Edit duke i ngrënë 30 e ca vjet përgjegjësi që fillojnë nga viti 1912. Edi Rama në mënyrë titanike po përballet me fajin më shumë se 100 vjeçar, që fillon që nga Ismail Qemali.

Edhe vënia e portretit të Ismail Qemalit nga Edi Rama dhe heqja e portretit të presidentit në vitin 2013 ishte “shumë i drejtë” sepse fiksoi fajin 100 vjeçar, që Edi i Madhërishem ishte thirrur nga historia që ta ndreqte. Bjellorusia po i merr kohë kot Edit të Madhërishëm sa ta zgjidhë edhe atë, por po të ishte më i mençur mund ta zgjidhte shumë thjeshtë me një rrokadë prej “zorzopësh” dhe Lukashenkon e sillte këtu dhe vetë shkonte bënte zap Bjellorusët.

Ismail Qemali dhe qeveria e tij kurrsesi nuk mund të përjashtohet nga përgjegjësia për “taksiratët”, që po heq Edi për të ndrequr. Në 100 vjet të gjitha qeveritë “dështuan me turp” që ta hedhin shtetin në greminë, ndërsa Edi i Madhërishëm po robtohet, që ta hedhë, ta shkelë dhe ta plaçkite deti në fund shtetin dhe Edi beson se do ja dalë….!?

Sot po ndalemi deri tek Ismail Qemali. Ndaj Ismail Bej mbaj përgjegjësitë e tua! Edhe ju kolegë të medias boll ja hëngrët meritat Edit dhe shkurtoni vitet e fajit të të tjereëe, që Ed titani po ndreq e po i bën për dreq! Sa për fajin e Perandorisë Osmane që ka qenë përpara Ismail Qemalit edhe atë do ta trajtojmë patjetër një ditë tjetër….!?, shkruan Vasili në rrjetet sociale./ CNA.al