web counter
LEXO PA REKLAMA!

SHKARKO APP

App Store
Google Play

Koronavirusi shkakton bilanc të rëndë/ Tre vëllezër shqiptarë humbin jetën brenda një muaji

23 Gusht 2020, 06:42, Kosova & Bota CNA

Koronavirusi ka shkaktuar një bilanc të rëndë dhe njëkohësisht të dhimbshëm për famniljen Ymeri.

Mësohet se brenda një muaji në këtë familje kanë humbur jetën si shkak i koronavirusit tre vëllezër.

Lajmin e ka bërë të ditur deputeti i Kuvendit të Kosovës nga Lëvizja Vetëvendosje, Hekuran Murati, i cili ka treguar se viktimat janë kushërinjtë e babait të tij.

Murati thotë se të gjithë duhet të luten që familjet shqiptare të gjejnë forcën për ta përballuar këtë situate.

?Ferat Ymeri, Murat Ymeri, Berat Ymeri. Tre vëllezër, kushëri të babit, të cilët virusi i mori brenda një muaji. Tre njerëz të urtë e punëtorë, ashtu siç përshkruhen nga secili që i ka njohur. Virusi tashmë është kthyer në tragjedi për shumë familje. Sepse viktimat nuk janë vetëm statistika, por janë persona me emër e mbiemër, familjarë e prindër të dikujt. Fjalët ngushëlluese në një tragjedi të tillë e humbin efektin. Krejt çka mund të bëjmë është të lutemi që familjet të gjejnë forcën për ta përballuar këtë situatë, me shpresën që do të vazhdojnë t?i kujtojnë veprat e mira të më të dashurve të tyre. Pushoni të qetë kusho!?, shkruan ai në rrjetet sociale./ CNA.al





Lajmet e fundit nga