web counter
LEXO PA REKLAMA!

SHKARKO APP

App Store
Google Play

E fundit!

x

Protesta të dhunshme në Liban/ Digjet Ministria e Jashtme, kërkohet dorëheqja e Qeverisë

8 Gusht 2020, 18:20, Kosova & Bota CNA

Nuk kanë të ndalur protestat e dhunshme në Liban. Pas shpërthimit apokaliptik në portin e Bejrutit 4 ditë më parë, qytetarët kërkojnë largimin e qeverisë fill. Mediat vendase raportojnë përleshje masive mes protestuesve dhe policisë, ndërsa është djegur edhe Ministria e Jashtme

Mediat ndërkombëtare raportojnë se mijëra protestues janë mbledhur në ?Sheshin e Martirëve? duke kërkuar dorëheqjen e qeverisë duke  cilësuar përgjegjëse për atë që ndodhi në vend. Sipas protestuesve, qeveria e dinte që në port ndodheshin sasi të mëdha të nitratit të amonit duke mos bërë asgjë për largimin e këtij rreziku.

Footage of the moment the protesters in Beirut charged the security forces. At least one molotov cocktail was thrown. pic.twitter.com/fW7vtCFtNG

? Kyle Glen (@KyleJGlen) August 8, 2020

Madje, ata kanë kërkuar që të qeverisen nga shtete të huaja më mirë, për shembull nga Franca, në vend të klasës së korruptuar politike të vend.

Policia ndërhyri për të shpërndarë turmën e protestueve duke hedhur ndaj tyre edhe gazlotsjellës, ndërsa një numër i madh prej tyre kanë arritur të futen brenda Ministrisë së Jashtme.

Ndërkohë, disa prej protestuesve i janë përgjigjur policisë me bomba molotov duke i vënë zjarrin gjithashtu edhe disa makinave. Pak ditë më parë, një sasi prej 2 750 ton nitrat amoni shpërtheu në portin e Beirutit duke shkaktuar 138 të vdekur deri më tani, 6 000 të plagosur dhe dëme kolosale materiale.

Raportohet se të paktën 21 persona janë ende të humbur dhe dyshohet se janë nën rrënojat e godinave të shkatërruara nga shpërthimi. CNA.al





Lajmet e fundit nga