web counter
LEXO PA REKLAMA!

SHKARKO APP

App Store
Google Play

E fundit!

x

Shifrat janë ende shqetësuese/ Maqedonia e Veriut e gatshme për të filluar vitin e ri shkollor

8 Gusht 2020, 15:16, Kosova & Bota CNA

Ndonëse në Maqedoninë e Veriut shifrat e të infektuarve mbeten ende serioze, ministria e Arsimit njofton se është e gatshme të hapë dyert e shkollave në shtator.

Ministri i Arsimit Arbër Ademi, tha për mediat se ka kohë të mjaftueshme për organizimin e procesit mësimor duke respektuar të gjitha protokollet shëndetësore për mbrojtje nga Covid 19.

?Ne po përgatitemi për fillim të vitit shkollor nga 1 shtatori. Kemi kohë që viti shkollor të fillojë me kohë, kemi kohë që të përgatiten të gjitha shkollat që ti respektojnë protokollet. Këtyre ditëve gjithçka do të finalizohet, edhe nga SASHK-u kemi kërkuar propozime të cilat i kanë dërguar dje. Faza tjetër është që edhe një herë protokollet të shqyrtohen në Komisionin për Sëmundje infektive dhe pastaj në Qeveri të vendoset konkretisht për cilin model, cilat rrethana dhe në cilën gjendje epidemiologjike do të aktivizohet modeli konkret?, u shpreh ai.

Ademi deklaroi se të gjitha shkollat duhet sigurojnë distancë për nxënësit pavarësisht numrit të madh të nxënësve në shkolla të caktuara.

Sipas tij, deri më 10 gusht pritet të konkretizohet modeli final për realizimin e procesit mësimor për vitin e ri shkollor 2020-2021./ CNA.al





Lajmet e fundit nga