web counter
LEXO PA REKLAMA!

SHKARKO APP

App Store
Google Play

Covid-19 shpërthen në Elbasan, Mirditë e Fier

8 Gusht 2020, 16:16, Aktualitet CNA

Ministria e Shëndetësisë njoftoi sot 124 raste të reja me koronavirus dhe 4 humbje jete. Nga të dhënat e publikuara vihen re, përpos Tiranës shifra të larta në Elbasan, Mirditë e Fier.

Në Elbasan janë konfirmuar 19 raste pozitive, duke u bërë qyteti që ka arritur rekordin me rastet e reja brenda pak orësh, si asnjëherë më parë.

Ndërkohë, 9 raste pozitive janë konfirmuar  në Mirditë. Rastet e Mirditës janë dy personel mjekësor në Fan. Bëhet fjalë për një kryeinfermier dhe një infermiere si dhe familjarë të tyre. Po ashtu ka edhe vatra të reja. Mësohet se në Mirditë tamponet kanë ardhur me vonesë dhe si rredhojë rastet e publikuara sot nuk janë vetëm të orëve të fundit. 

Po ashtu, edhe qyteti i Fierit vazhdon të ketë vatra të reja dhe shtim të rasteve me COVID-19. Vetëm sot janë konfirmuar 7 raste në Fier dhe 1 rast në Patos me koronavirus, ndërkohë që një ceremoni mortore dyshohet të jetë bërë shkak i kësaj vatre. Dy ditë më parë u konfirmua 4 raste në Fier, pjesëtar të një familjeje nga Cakrani. Ndaj rastet e sotme janë të gjithë të afërm të këtyre kontakteve, ku të gjithë kanë qenë në një ceremoni mortore në Cakran. /CNA.al

 





Lajmet e fundit nga