web counter
LEXO PA REKLAMA!

SHKARKO APP

App Store
Google Play

E fundit!

x

Ylli Ndroqi hedh drejtorin në sulm: PS më ka 340 milionë lekë borxh

6 Gusht 2020, 16:27, Aktualitet CNA

Drejtori i Informacionit, Brahim Shima në studion e Ora News informoi për mbledhjen e bordit që u mbajt paraditen e sotme, kur Arjan Baci administratori i caktuar nga Agjencia e Administrimit të Aseteve të Sekuestruara për administrimin e pasurive të  Ylli Ndroqit, u prezantua në bordin e televizionit.

Gjatë mbledhjes është diskutuar buxheti i dy televizioneve, RTV Ora dhe Ora News, ndërsa Shima doli në ekran për të treguar borxhet e pambledhura nga Ndroqi, ku ndër të tjera cilësoi se Partia Socialiste i detyrohet 34 mln lekë.

“Televizioni ka të pambledhura 98 milionë lekë të reja (1 milionë dollar), nga të cilat 34 milionë janë detyrime që PS i ka dy televizioneve dhe i takon administratorit të ri të mbledhë këto të ardhura. Nga sa u bë e ditur, prej muajsh ka një komunikim zyrtar mes PS dhe Ora News dhe RTV Ora për kthimin e shumave.

Kjo do të thotë se prej vitesh PS i ka besuar publikimin e spoteve por tashmë është koha që këto detyrime të shlyhen dhe i takon administratorit të ri që të kujdeset për administrimin e këtyre borxheve dhe mbledhjen e mbarëvajtjen financiare të dy televizioneve.

Këtë detyrim që ka pasur administratori, zoti Ndroqi, tani do ta ketë administratori i ri.

?Duhet të them që televizioni Ora dhe Ora News prej muajsh kanë pasur një rritje të të ardhurave nga reklamat. Në muajt e para të fillimit të vitit ka pasur 20% rritje të kontratave të reklamave, kjo falë angazhimit të administratorit zoti Ndroqi. Në muajt e pandemisë si cdo biznes pati rënie, por duhet thënë që administrator i ri ka një arkë të lënë pas me gati 1 milionë dollarë që duhet të mbledhë për të vijuar punën që është bërë.?

Ndërkohë vuri në dukje se administratori i ri i merr dy televizionet me të gjitha detyrimet e shlyera ndaj shtetit dhe me kontrata të shtuara reklamash. Është bërë e ditur që administratori i ri nuk do të ketë ndikim në linjën editoriale por në momentin që do të ndodhte ky cënim atëherë Drejtori i Informacionit u shpreh se do ta denonconte publikisht./CNA.al





Lajmet e fundit nga