E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

PAA: Rama i lodhur me donatorët, i palodhur për PPP dhe pengimin e integrimit europian!

7 Gusht 2020, 09:18, Politikë CNA

Partia Agrare Ambientaliste, përmes një deklarate për mediat thekson se ?Shqipëria nuk mund të vazhdojë të drejtohet nga një kryeministër që vetëdeklaron se është i lodhur dhe i dështuar me thithjen e financimeve nga donatorë dhe i palodhur që për përfitime personale e partiake të pengojë të ardhmen europiane të shqiptarëve dhe Shqipërisë?.

PAA shpreh shqetësimin edhe të taksapaguesve shqiptarë për mungesën e transparencës, efiçencës dhe dështimit të RamaQeveri në tërheqjen e parave nga donatorët dhe investimin e tyre sa më shpejtë e me përgjegjësi maksimale, larg çdo tendence abuzuese dhe korruptive në ekonominë e uritur shqiptare për më shumë investime private dhe publike.

?Kryeministri Rama kur mbështeti rrugën Milot-Fier me një kosto 1.2 miliard euro, kosto kjo marramendëse për taksapaguesit shqiptarë, deklaroi i sinqertë se ishte lodhur duke pritur donatorët.

Në fakt mos-bashkëpunimi me donatorët veç lodhjes fsheh faktin se bashkëpunimi me donatorët kërkon pjesëmarrje konkrete të tyre në:
(i) respektimin e transparencës maksimale në përzgjedhjen e projekteve dhe kostove të tyre;
(ii) në përzgjedhjen e kompanive fituese dhe verifikimin e tyre për garancitë financiare dhe kredibilitetin teknologjik;
(iii) në mbikqyrjen e tyre në çdo fazë të nisjes dhe përfundimit të projektit;
(iv) në procesin e çertifikimit teknik dhe financiar të kostove direkte dhe indirekte;
(v) të kostove afatshkurtër dhe afatgjatë të partneriteteve publike private preferenciale (4P).

Qeveria po nënshkruan miliarda euro 4P, Qeveria merr borxh të jashtëm me kosto tregtare 650 milion euro, Qeveria dështon të tërheqë dhe të bejë efektivë 1.15 miliard euro angazhime dhe premtime konkrete të donatorëve bilateralë ose të bankave të zhvillimit. Këtë e vërteton programi i punimeve të Kuvendit të Shqipërisë prej 25 majit 2020 deri në 30 Korrik 2020, ku në 104 projektligje për tu shqyrtuar dhe miratuar në Kuvend vetëm një pikë: pika 26 ishte miratimi i marrëveshjes së financimit të shpejtë të FMN-së. Ky mentalitet dhe realitet i dështuar qeverisës tregon së paku pa-aftësi dhe pa-përgjegjshmëri në qeverisjen e vendit në kulmin e përballjes me tre kriza shumë të rënda dhe me efekte sociale, ekonomike e buxhetore afatshkurtër, afatmesme dhe afatgjatë, krizën e tërmetit, krizën e pandemisë dhe krizën e keq-qeverisjes.

Shqipëria nuk e meriton të vazhdojë të qeveriset nga një kryeministër i lodhur dhe nga një mazhorancë e dështuar e cila së fundi për përfitime thjesht elektorale po vonon dhe pengon edhe perspektivën europiane të Shqipërisë?, thuhet në deklaratën e PAA./CNA.al