Unë jam mjeku Bardh Spahia/ Kërkoj, verifikoj dhe më pas denoncoj

6 Gusht 2020, 18:56, Politikë CNA

Ish-deputeti i Partisë Demokratike, Bardh Spahia vijon me sulmet kundër ministres së Shëndetësisë, e cila sipas tij, po e drejton keq situatën epidemike. Drejtuar ministres së Shëndetësisë Ogerta Manastirliu, ai kërkon që të bëhet transparante dhe të tregohet se ku janë marrë tamponet.

Kjo thirrje e Spahisë tashmë përsëritet, pasi ish-deputeti, apo mjeku në profesion sot ra pre e sulmeve nga ISHP, institucion i cili me ironi përdori sloganin “Fajin e ka PD” që tamponët dalin herë negativ e herë pozitiv.

“Ndryshe nga militantet që shkelmojnë profesionin, unë nuk jam vetëm ?një ish-deputet i PD?. Unë jam Bardh Spahia, me profesion mjek dhe po, politikan, që i bëj denoncimet me emër e mbiemër dhe u qëndroj, pasi si profesionist e si politikan, bëj gjithnjë verifikime para publikimit”, shkruan Spahia në fund të statusit ku i kërkon ministres transparencë dhe risjell rastin me të cilin u bë objekt sulmesh.

“Dhe kur tentoni të shpjegoni dallimin midis tamponit dhe testit serologjik, vetem per t?u hedhur hi syve shqiptareve dhe mashtruar me fjalë boshe ata, ky eshte kulmi pastaj! Sa për ilustrim, po risjell edhe njëherë rastin e fundit të denoncuar. Babai i zonjës në fjalë shtrohet në infektiv për shkak Covid-19 dhe aty ndërron jetë. E bija me simptoma të qarta të infektimit me Covid realizon dy tamponë (PCR), të cilat të dy herët dalin negative. Pas pak më shumë se 1 muaj kryen testin serologjik në një spital privat i cili sic shihet përdor testin ELISA një nga më të saktët, i cili dëshmon se e ka kaluar infeksionin Covid. Kjo tregon se dy testet e para PCR kur zonja kishte simptoma, nuk kanë funksionuar. E kuptoni tani shoqja Lenka e ministrise dhe ju Nafijet, që i shërbeni? Kjo është padituria: kur betimi i Hipokratit ngatërrohet me betimin para partisë! Po c?rëndësi ka shëndeti i njerëzve për ju? E rëndësishme është t?ju rrojë partia!”, shkruan ndër të tjera mjeku. /CNA.al