E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Ç'muhabet kanë bërë këto 2 vjet Luli dhe Ruli?

6 Gusht 2020, 17:14, Politikë CNA

Në një intervistë të gjatë të tipit autokritik, ish-deputeti Genc Ruli sqaroi se ai paska rreth dy vite që takohet herë pas here me Lulin.

Sqaroi që Luli paska ndryshuar këto dy vite, por nuk na orientoi shumë që të kuptojmë nëse kur u takuan për herë të parë, gjatë këtyre dy viteve, Luli ishte i ndryshuar, apo ndryshoi pasi u takua me Rulin?

Nëse Luli kish ndryshuar përpara takimit me Rulin, ndryshimi kish lidhje vetëm me Rulin, me gjithë kategorinë e ishave që i përkiste Ruli deri para dy viteve, apo me gjithë anëtarësinë në përgjithësi?

Nëse Luli kish ndryshuar përpara takimit me Rulin, a di të na thotë Ruli, me aq sa ai mund të ketë kuptuar nga takimet me Lulin, si kish ndodhur metamorfoza e Lulit?

Kush kish ndikuar dhe si e konstatoi Ruli ndryshimin?

Kur u takuan për herë të parë para rreth dy viteve, e telefonoi Luli Rulin apo Ruli Lulin?

Nëse Luli nuk kish ndryshuar, por ishin këshillat e Rulit që ndikuan në metamorfozën e Lulit, çfarë i tha Ruli që tronditi Lulin?

Ruli u pajtua me Kunatin dhe Gruan e Lulit, apo Luli u distancua nga Kunati dhe Gruaja?

Nëse Ruli u pajtua me Kunatin dhe Gruan, kjo është shenjë e mirë dhe duhet konsideruar zhvillim pozitiv për PD-në?

Nëse Luli u distancua nga Kunati dhe Gruaja, si u sigurua Ruli që Kunati dhe Gruaja e kanë kuptuar drejt Lulin?

Pasi të kuptojmë cili ka qenë momenti historik i transformimit të Lulit dhe distancimit të tij nga Kunati dhe Gruaja, d.m.th eventualisht distancimit të Kunatit dhe Gruas nga PD-ja, a mund të na sqarojë Ruli se:

-për çfarë konkretisht e ka këshilluar herë pas here Lulin dhe

– nëse i kujtohet, cilat janë një ose disa aksione politike që Luli i ka ndërmarrë pasi i janë këshilluar nga Ruli?

Kjo do të ndihmonte shumë demokratët.

Ruli pasi u bind vetë që Luli nuk është më ai i pari, ka detyrimin të sqarojë dhe të na bindë edhe ne të tjerëve!/CNA.al

Pajtimi me kryetarin dhe rikandidimi i Berishës/ Genc Ruli: Basha m’i dëgjon këshillat