“Qeveria dështoi”/ Gazment Koduzi: Rama mashtroi për Spitalin Covid 4, është i mbyllur!

6 Gusht 2020, 10:55, Politikë CNA

Partia Demokratike e konsideron Spitalin Covid-4 një mashtrim të kryeministrit Edi Rama dhe qeverisë së tij.

Jashtë ambienteve të ish-universitetit Kristal që u tha se do ishte spitali Covid 4, anëtari i Grupit të Punës ngritur pranë PD për monitorimin e situatës për koronavirus, Gazment Koduzi tha se sot kur shqiptarët kanë nevojë urgjente për kujdes shëndetësor në këtë kohë pandemie, kjo godinë është e mbyllur dhe nuk është vënë në funksion të qëllimit të luftimit të koronavirusit asnjë ditë.

?Qeveria dështoi me menaxhimin e situatës së Covid 19. Dështoi në marrjen e masave për mospërhaqjen e këtij virusi në popullatë, por aq më tepër në institucionet shëndetësore. Qeveria dështoi në rritjen e numrit të testimeve dhe në kohën e fundit rriti numrin e tyre tek 500 por pa plotësuar të gjithë nevojat që kanë qytetarët shqiptarë për t?u testuar dhe me këto masa qeveria tregoi që nuk ka një strategji, që e ka lëshuar situatën në rënie të lirë. Qeveria në vend që sakrificën e njerëzve që bënë gjatë 3 muajve karantinim ta kthente në investim në sistemin shëndetësor për ta përballuar më mirë këtë situatë, qeveria u mor me propagandë, me tendera korruptivë dhe një nga veprat e propagandës së Edi Ramës është prapa meje, ish-Universiteti Kristal, i cili sipas Edi Ramës u kthye në Spitalin Covid 4 më 2 qershor dhe u inaugua me propagandë të madhe por që ishte një mashtrim për shqiptarët. Sot shqiptarët kanë nevojë për kujdes shëndetësor më të specializuar dhe më cilësor dhe kjo godinë është e mbyllur. Edi Rama nuk i ka dëgjuar këshillat e ekspertëve të Partisë Demokratike apo edhe të pavarur për masat që duhet të marrë për të përballuar këtë situatë, por vetëm është tallur me to.
Përgjegjësi kryesor i situatës në të cilën ndodhen qytetarët shqiptarë, është vetëm Edi Rama?, u shpreh Koduzi./CNA.al