Po hajduti (trafikanti) ka faj?

5 Gusht 2020, 07:06, Politikë CNA

Në Shqipëri ka një histori të vogël që tregohet në formën e një ironie apo barsaletë, kur dikush gjykohet për atë që nuk e ka bërë dhe ai që është fajtori i vërtetë nuk zihet në gojë.

Një fshatari i vodhën lopën dhe më pas bashkëfshatarët e tij i shkuan në shtëpi, sepse lopa ishte një hall i madh për të, sepse merte qumështin, djathin, gjalpin. Mbante shtëpinë me atë lopë.

Por, miqtë që hynin një nga një, të gjithë e gjykonin. ?Po si ta vodhën, po pse e le deren hapur, si nuk e dëgjove kur e nxorën jashtë, pse nuk e kishe lidhur mirë, e të tjera si këto??.

Në fund fshatari i lodhur dhe i mërzitur nga akuzat iu tha miqve të tij, ?Po hajduti a ka faj??

Kështu është edhe historia e Ylli Ndroqit me reagimet që po vinë nga një pjesë e vogël e opozitës dhe disa njerëz kryesisht afër tij dhe LSI-së.

Gjithçka po quhet si një sulm politik ndaj tij. Gjithçka që po thuhet është se po sulmohen gazetarët. Por askush deri tani nuk del e nuk e thotë të vërtetën, se shtetasi Ylli Ndroqi është shtetasi Xhemail Pasmaçiu, ashtu sikurse e tha SPAK. I dënuar për drogë në Turqi, dhe i arresuar për llogari të drejtësisë italiane në vitin 2015, sërish për trafik droge.

A ka faj Ylli Ndroqi? A ka përgjegjësi ky individ? Si mundet që opinioni publik dhe disa segmentë të caktuar opozitarë gjejnë kohë e flasin gjoja për gazetarët.

Gazetarët kanë bërë shumë mirë që kanë sulmuar Erion Veliajn e mund të gjejnë me dhjetëra media për të sulmuar edhe kryebashkiakun e Tiranës, edhe kryeministrin e vendit.

Por që ta kanalizosh gjithçka vetëm tek gazetarët dhe ta quash si sulm politik, duke lënë menjëanë përgjegjësit e vërtetë, atë që është pronari i televizionit, i cili akuzohet nga drejtësia dhe dje SPAK nxori me fakte konkrete në lidhje me këtë çështje.

Prandaj, hajduti (trafikanti) a ka faj?

Fakti është se Ylli Ndroqi është një ish-trafikant i dënuar?

Për çfarë flasin? Çfarë thonë? Pse askush nuk vë pikat mbi i?

Kemi të bëjmë me një ish-trafikant, të arrestuar për trafik droge, i cili është pronar mediash. Kjo është çështja.

A mund të jetë media e një ish-trafikanti droge zëri opozitar i qytetarëve?

Këtë nuk po e thotë askush. Të gjithë përpiqen të shmangen. ?Hajdutin? duan ta lënë pa faj.

Pra, trafikanti nuk quhet i tillë, edhe pse ka qënë i dënuar, por ai është i lirë. Ndërkohë, nga ana tjetër pretendohet se është opozitar.

E ç?të keqe mund të kishte sikur Eskobari të ishte zëri i opozitës në një vend?

Këto gjëra ndodhnin, kur ?eskobarët? bëheshin edhe deputetë. Nuk është çudi që eksponentë nga bota e krimit të bëheshin të tillë, sepse në Shqipëri ka ndodhur.

Në vitin 2013 të paktën 11 persona me precedentë penalë, të dënuar për drogë apo prostitucion u bënë pjesë e parlamentit dhe u desh ligji i dekriminalizimit për t?i larguar.

Por, gjithçka nuk ka mjaftuar aty, duhej të shkonte edhe në media.

Prandaj rasti i hajdutit i cili nuk gjykohet si fajtor, por gjykohen institucionet që hetojnë, apo shqiptarët që e kanë pësuar, apo media që është viktima e vetme e përfaqësimit nga një pronar ish-trafikant droge janë problemi kryesor.

Por, në fakt është krejt e kundërta, problemi kryesor është ish-trafikanti i drogës. Nuk janë as gazetarët, as shoqëria, as media, nuk janë përgjegjësit.

Kushdo që i kanalizon këto si pjesë të kësaj çështje e bën atë me qëllimin e vetëm, që të mbrojë një ish-trafikant droge.

Dhe në këtë rast ata nuk bëjnë gjë tjetër, veçse po mbrojnë ?hajdutin?, apo në këtë rast duke i shërbyer një ish-trafikanti./ CNA.al

Rastet Bechetti dhe Ndroqi/ Nuk ka shenja barazie

Tjetër gazetarët, tjetër ish-trafikanti Xhemail Pasmaçiu

Nga trafiku i drogës, tek celulat terroriste/ Lidhjet kriminale të Ylli Ndroqit dhe paralajmërimet e gazetarëve

Shoqërohet në polici Ylli Ndroqi/ Gjykata i sekuestron pasurinë