E fundit!

07:36 Kosova & Bota

"Kishte menduar të më shantazhonte"/ Zbardhet dëshmia e Bill Gates për lidhjet me Jeffrey Epstein

Janë publikuar detaje nga dëshmia që themeluesi i Microsof...

Foto- Skandali/E kujt është kjo vilë Zoti Basha?!

4 Gusht 2020, 13:15, Politikë CNA

Kryetari i Republikës së re, Lulzim Basha duket se i ka pasur me “bereqet” vitet e tij në opozitë, për veten dhe familjarët.

Gjatë kohës që Luli është kryetar i opozitës, vjehrri i tij mori 16 milionë euro nga taksapaguesit shqiptarë, për një pallat të ndërtuar në rërën e bregdetit Jon në Vlorë. Edhe pse shumë shqiptarë enden gjyqeve për probleme me pronat, vjehrri i Lulit ishte me fat të madh.

Por, edhe për kunatin e Bashës, nuk kanë qënë keq vitet e qeverisjes së Rilindjes. Ndërkohë që vetë Basha del në ekrane “ulëret dhe bërtet” se biznesi po falimenton, në fakt bizneset e kunatit të tij vetëm sa shtojnë xhirot. (Lexo këtu).

Por, ka edhe një tjetër detaj. Gjatë këtyre viteve Bashës i është “shtuar oreksi” për vilat, e ndërtuara nga të ashtuquajturit oligarkë, të cilët herë i sulmon, e herë “iu shkel syrin”, gjithçka në varësi të interesit të tij personal.

Pak muaj më parë CNA.al raportoi se Lulzim Basha kishte marrë një vilë në Long Hill rezidencë e ndërtuar nga biznesmeni Agron Papuli, i quajtur oligark dhe denoncuar me dhjetëra herë nga Basha, por që tashmë ia ka “harruar emrin”.

Në tetor të vitit që lamë pas Basha u zhvendos nga apartamenti i tij në katin e 12, pranë kullave te “Qemal Stafa”, në kompleksin e vilave “Long Hill”, në periferi të Tiranës.

Lulzim Basha e justifikoi zhvendosjen në kompleksin e vilave “Long Hill”, duke thënë se apartamenti i tij kishte pësuar dëmtime nga tërmeti i shtatorit, por në fakt asnjë dëmtim nuk është raportuar në lidhje me apartamentin në fjalë në Bashkinë e Tiranës.

Po bëhet gati një vit që kur Basha është zhvendosur tek kompleksi i “oligarkut” Agron Papuli, pallatin e ka braktisur dhe vijon të “zhgrryhet” në vilat luksoze.

Por, vila në Long Hill është e dyta për Lulzim Bashën pas asaj në Qerret ku shpesh darkon në konfidencë me eksponentë të lartë të politikës.

Ndërkohë një ditë më parë, CNA.al raportoi se Lulzim Basha është afruar të vilat e një tjetër oligarku, të cilit Luli ka frikë t’i përmendë as emrin. Bëhet fjalë për resortin luksoz “Valamar” të Samir Manes në Gjirin e Lalzit, vend ku kohët e fundit është parë të zbarkojë dhe qëndrojë në një vilë luksoze Lulzim Basha.

Vilat në “Valamar” ndërtuar nga Samir Mane janë pjesë e një resorti luksoz, ku si në rastin e “Long Hill”, Lulzim Basha është përpjekur t’i fshehë dhe mos deklarojë asgjë.

Basha është parë shpesh në një nga vilat e këtij resorti luksoz, por si gjithmonë pritet që ai të justifikohet, duke tentuar t’iu hedhë hi syve shqiptarëve.

Për më tepër, vilat në “Valamar” të oligarkut Samir Mane, Luli i ka rrethuar me kamera.

Afër ka marrë edhe bashkëpunëtoren e ngushtë të lunatit, Odeta Male. Treshja Aurela, Erjon dhe Odeta duken të pandarë në rezidencën luksoze Valamar, ndërtuar nga Samir Mane, të cilit Luli ka frikë t’i përmendë emrin.

Por tashmë shqiptarët e kanë kuptuar raportin e Bashës me oligarkët. I sulmon ditën dhe “fle” me ta natën dhe faktet flasin vetë.

Tek oligarku Agron Papuli, mori vilën në Long Hill.

Tek oligarku Kastrati, që Luli e sulmonte dhe betohej e stërbetohej se nuk do lejonte traun në Rrugën e Kombit, mori zyrat për bizneset e kunatit.

Tek oligarku Samir Manë, që nuk ia përmend as emrin, vilat e bregdedit.

Lulzim Basha është kllouni publik i oligarkëve. Ose ata janë oligarkë e Luli i ka kundërshtarë ose janë biznesmenë e Luli është palaço. Rrugë tjetër nuk ka.

Më poshtë CNA.al po sjell një foto të një prej vilave të resortit luksoz “Valamar” të ndërtuar nga Samir Mane dhe kemi një pyetje publike për Lulzim Bashën.

E kujt është kjo vilë zoti Basha? Këtë përgjigje duhet t’ua japësh shqiptarëve./ CNA.al

Ekskluzive/ Basha merr vilë pranë Ilir Metës në gjirin e Lalzit

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

Zbulohen oligarkët e Lulzim Bashës?!/ Miliarda lekë në bizneset e kunatit

Ekonomia shqiptare në krizë/ Bizneset e kunatit të Bashës, lulëzojnë

Pyetje publike Lulzim Bashës/ Në pronësi të kujt janë këto dy vilat tek rezidenca e Agron Papulit?

Vilat e Lulzim Bashës në kompleksin e Papulit/ “Fiks Fare” sjell fakte të reja për denoncimin e bërë nga CNA.al

Skandali/ Vërtetohet me fakte, Lulzim Basha e përdor PD-në për gjoba ndaj biznesit dhe interesat e tij korruptive

Akuzat për dy vilat e Papulit/ Basha flet për herë të parë