web counter
LEXO PA REKLAMA!

SHKARKO APP

App Store
Google Play

E fundit!

x

Ekonomia e Suedisë u tkurr më pak se ajo e Eurozonës, në kulmin e pandemisë

5 Gusht 2020, 11:53, Ekonomi CNA

Ekonomia e Suedisë performoi më mirë sesa pjesa më e madhe e Europës në kulmin e pandemisë edhe pse u tkurr me ritmet më të larta, që nga Lufta e Dytë Botërore, pasi vendi skandinav dukej se përfitoi nga qasja e tij më e lehtë ndaj koronavirusit.

Në tremujorin e dytë, Prodhimi i Brendshëm Bruto ra me 8,6 për qind krahasuar me tre muajt e mëparshëm, sipas një vlerësimi paraprak të Institutit të Statistikave të Suedisë, të publikuar të mërkurën.

Por kjo ishte dukshëm më e mirë sesa tkurrja 12 për qind e përjetuar në të gjithë Eurozonën në të njëjtën periudhë, shkruan Financial Times. Ekonomia më e madhe europiane e goditur më së shumti ishte Spanja, e cila regjistroi një tkurrje prej 18 për qind; ekonomia gjermane u tkurr me rreth një të dhjetën.

Suedia ka qenë në qendër të një debati të ashpër ndërkombëtar për faktin se nuk u tregua e ashpër me mbylljen, si një mjet për të trajtuar përhapjen e virusit. Ajo nuk pranoi të ndiqte pjesën tjetër të Europës në një mbyllje zyrtare, duke i mbajtur të hapura shkollat, restorantet dhe kufijtë e tij, ndërsa nxiti njerëzit të punojnë nga shtëpia dhe të mbajnë distancën nga njëri-tjetri.

Pasi ishte një nga vendet e pakta europiane, që rezultoi me një rritje pozitive në tremujorin e parë, Suedia vazhdoi të ishte më mirë në prill, maj dhe qershor ? që ishte dhe kulmi i pandemisë deri më tani në Europë. Sipas vlerësimeve paraprake, vetëm Letonia dhe Lituania performuan më mirë me rënien e PBB-së në tremujorin e dytë përkatësisht 7.5 për qind dhe 5.1 për qind.

David Oxley, ekonomist i lartë i Europës në Capital Economy, tha se kontraktimet treguan se Suedia nuk ishte ?imune ndaj Covid?. Ai shtoi: ?Sidoqoftë, kriza ekonomike gjatë gjysmës së parë të vitit është në një ligë tjetër krejtësisht ndaj shfaqjeve të tmerrit diku tjetër në Europë.?

Për disa javë këtë pranverë, Suedia kishte nivelin më të lartë të vdekjeve për frymë në Europë, dhe në nivele 20 herë më shumë se ajo e Norvegjisë fqinje. Por niveli i saj i përgjithshëm i vdekjeve për frymë tani mbetet prapa disa vendeve që u mbyllën siç janë Belgjika, Spanja dhe Mbretëria e Bashkuar.

Ekonomistët presin që ekonomia e Suedisë të zvogëlohet me rreth 4 deri në 5 për qind këtë vit ? më mirë sesa parashikimet për Eurozonën dhe ekonomitë e saj kryesore, por në linjë me vlerësimet për Danimarkën fqinje dhe Norvegjinë, dy vende që kanë qenë të mbyllura.

Të mërkurën ekonomistët e bankës suedeze SEB përmirësuan parashikimin e tyre për PBB-së së Suedisë këtë vit në një rënie prej 4 për qind, nga 5 për qind më parë. ?Është shumë herët për të vlerësuar sesi strategji të ndryshme për të përballuar situatën e krijuar nga Covid-19 kanë ndikuar ekonomitë ?, tha Torbjorn Isaksson, analist kryesor në Nordea.

Banka Qendrore e Suedisë ka mbajtur normën e saj të interesit kryesor në zero, pasi e kishte ngritur atë në fund të vitit të kaluar, duke argumentuar se politika monetare nuk është përgjigjja më e mirë ndaj pasojave të koronavirusit./Monitor





Lajmet e fundit nga