web counter
LEXO PA REKLAMA!

SHKARKO APP

App Store
Google Play

Rritja ekonomike sipas Përparim Spahiut/ Qeveria të ndërrojë kursin me investimet publike

4 Gusht 2020, 15:27, Ekonomi CNA

Ish-deputeti i LSI-së, Përparim Spahiu ironizon qeverinë për progresionet me rritjen ekonomike gjatë 3 viteve në vijim. Sipas tij, argumenti i qeverisë me stimulimin e rritjes së konsumit qëndron, për aq kohë sa ai shkon për tarifa  dhe koncesione rrugësh.

“Pas ngadalësimit të ekonomisë Ministrja e Financave e sheh rritjen ekonomike vitin që vjen në 5.9% dhe për tre vitet e ardhshme në 4.9%.

Optimizmin kreu i Financave e mbështetet tek rritja e konsumit nga investimet publike.

Pas një krize të tillë është normale që të ketë rritje ekonomike, por një qeveri e përgjegjshme duhet patjeter ta shohë rritje dyshifrore.

Të thuash që do te rrisësh investimet publike kur të ka mbuluar borxhi me mbi 80%, të thuash që do të kesh investime publike kur në tetë vite të gjitha investimet direkte i ke fokusuar në kontrata afatgjata PPP-sh me kosto të tmerrshme është e pamundur e nuk të beson më njeri.

Modeli i investimit publik kur jep me konçension Milot – Fier që qytetarët e tu të paguajne 20 euro është vertet model rritje konsumi, por jo që ky konsum të përkthehet në rritje ekonomike por të çojë para në xhepa hajdutësh.

Modeli i tarifës në Rrugën e Kombit është vërtet model rritje konsumi pasi qytetarët paguajnë dy herë për të njëtën gjë, blejnë naftën më të shtrenjtë si taksë rruge, paguajnë edhe traun e vënë në rrugë.

Për këtë lloj konsumi dhe rritje ekonomike jeni vërtet mjeshtra.

Vetëm lehtësimi fiskal, çlirimi i ekonomisë nga formati monopol, konkurrenca e lirë, zgjidhja përfundimtare e problemeve me pronat, reformë e vërtetë e sistemit gjyqësor ku biznesi, si i huaj dhe vendas, mos të ndjejë kurrë presionet e twiterit të KM-s, do bënte që vërtet të kishim rritje ekonomike, rritje pagash dhe pensionesh, rritje mirëqënjeje!”, shkruan Spahiu në FB. /CNA.al





Lajmet e fundit nga