web counter
LEXO PA REKLAMA!

SHKARKO APP

App Store
Google Play

Veliaj hap garën për projektin e Teatrit Kombëtar/ 60 milionë lekë për 5 muaj

6 Korrik 2020, 12:54, Aktualitet CNA

Bashkia e Tiranës ka hapur garën për  projektit të ndërtimit të Teatrit Kombëtar.

Fondi limit i vendosur është 60,317,899 (gjashtëdhjetë milionë e treqind e shtatëdhjetë mijë e tetqind e nëntëdhjetë e nëntë) lekë pa tvsh.
Ndërkohë bëhet me dije se kohëzgjatja e kontratës është pesë muaj, pra 150 ditë kalendarike. Afati kohor për dorëzimin e kërkesës për shprehje interesi është deri më datë14 korrik 2020.

Teatri Kombëtar u shemb në 17 maj të këtij viti. Ka qenë ora 04:00 e mëngjesit të një të diele kur fadromat filluan të shembin Teatrin edhe pse në godinë ndodheshin aktorë dhe qytetarë që bënin rezistencë në mbrojtje të Teatrit, prej gati 2 vitesh.

Shembja e Teatrit ka ardhur në një kohë kur vendi po përballej me pandeminë e koronavirusit dhe nuk lejoheshin grumbullimet. Por, kjo nuk i ndali qytetarët dhe arstistët të protestojnë dhe dalin në mbrojtje të Teatrit. Pavarësisht përpjekjeve për mbrojtjen e Teatrit, fadromat e shembën godinën orët e para të mëngjesit të së dielës së 17 majit.

Palët janë ende në përplasje, pasi opozita dhe një pjesë e aktorëve kërkojnë të rindertohet siç ishte, ndërsa Bashkia Tiranë duket se po ecën me shpejtësi drejt projektit të ri dhe ndertimit të një tjetër godine./CNA.al





Lajmet e fundit nga