E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Tamponi i Binos bëhet veç me mik

30 Qershor 2020, 13:18, Aktualitet CNA

Shifra e coronavirusit ka ditë që ka ikur në drejtim të paditur.

Dhe tamam tani del prap zonja Bino dhe fillon këshillon njerëzit që të kenë kujdes.

Eksperienca e deritanishme ka treguar që kujdesi nuk është term budalla.

Kujdes do të thotë testim.

Dhe testim nuk ka.

Askush nuk pretendon që zonja Bino të dalë në ndonjë kryqëzim e më lëpirsët në xhep të ofrojë testim për çdo kalimtar.

Por në redaksinë e CNA.al vijnë dhjetëra referime rastesh të cilat nuk shoqërohen asnjëherë me testimin dhe bërjen e tamponit për personat e tjerë që kanë qënë kontakte të rregullta me ata që rezultojnë pozitive.

Megjithëse kërkohet nga drejtues institucionesh shtetërore, institucionesh bankare, zyrash private etj, asnjë përgjigje nuk merret dhe asnjë tampon nuk kryhet.

Raste të konstatuara të punonjësve të infektuar në banka private si Banka Intesa apo Banka Kombëtare Tregtare dhe deri në Banken e Shqipërisë, raste të konstatuara në drejtorinë e Përgjithshme të Doganave, Tatimeve, Kuvend, Ministrinë e Financave, nuk janë shoqëruar asnjëherë me testimin dhe bërjen e tamponit të paktën asaj pjese të stafit që ka pasur kontakte të afërt me personat e infektuar.

Zonja Bino ka dalë me “pension”.

Ndërkohë nëse duhet të ndalet zinxhiri i transmetimit duhet që të testohen të gjithë kontaktet e personave të prekur.

Zonja Bino nuk flet për këtë.

Nga ana tjetër zyrtarë të lartë, deputetë, ministra dhe familjare të tyre, punonjës të Kryeministrisë, me sa duket arrijnë ta bëjnë tamponin sa herë dyshojnë se mund të kenë kapur virusin.

Ky trajtim është i pakuptueshëm se përse nuk u ofrohet as mjekëve që janë në kontakt të vazhdueshëm me persona të sëmurë dhe eventualisht të ekspozuar tepër edhe ndaj infektimit me coronavirus. Dhe për jeta tamponi duhet bërë rregullisht, të paktën një herë në 2-3 javë.

Por tamponi Binos bëhet vetëm me mik.

Ndërkohë që të dhënat e fundit tregojnë se konstatimi i hershëm i infektimit duket se luan rol në trajtimin dhe shërimin më të shpejtë.

Por përpara tamponit të Binos nuk qenkemi të gjithë të barabartë.

Ky është çmimi që duhet të paguash kur je popull i thjeshtë.

Popullit i bëhet tamponi vetëm kur bëhet për të spitali i Binos./ CNA.al