Fakti tjetër/ Ja pse Andrea Mano hesht dhe është ushtari i Niko Peleshit

26 Qershor 2016, 17:40, Aktualitet CNA

Një fakt tjetër u zbardh sot krejt rastësisht, vetëm nga një ngjarje që ka ndodhur në Korçë prej 48 orësh. Një qytetar 31-vjeçar është dhunuar në mënyrë kriminale nga shefi i Antidrogës në Policinë e Korçës Buis Hysi dhe shefi i Krimit të Organizuar Alfred Nonami, të cilët së bashku me oficerë të tjerë të policisë kanë tentuar që dhunën dhe terrorin duke masakruar një qytetar , t?a fshehin dhe po përdorin çdo mjet dhe manovër duke akuzuar se ai kishte kundërshtuar forcat e policisë.

Gjithsesi ky rast dhune u denoncua menjëherë nga gazetarët lokalë në disa media. Sot pasdite ai që reagoi ishte dhe Kryetari i Partisë Demorkatike Lulzim Basha. Në një deklaratë të tij në rrjetet sociale, ai përmendte të parin rastin e Korçës ku oficerët e policisë kishin dhunuar një 31-vjeçar.

Një qëndrim zyrtar, i menjëhershëm, i fortë nga kreu i opozitës i cili denonconte dhunën e policisë ndaj qytetarëve.

Por ajo çfarë është më e çuditshme, është se opozita në Korçë fle gjumë. Basha nuk është kreu i PD-së së Korçës, ai është Kryetar i Partisë Demokratike të Shqipërisë.

Dhe nëpërmjet mediave siguroi informacionin e plotë se çfarë kishte ndodhur. Ndërkohë kryetari i Partisë Demokratike, dega Korçë, nuk ka bërë asnjë reagim këto 48 orë. Asnjë deputet i qytetit Korçë nuk ka folur në lidhje me aktin kriminal të forcave të policië, asnjë ligjvënës i asnjë pale politike. Por në rastin kur deputetët e mazhorancës nuk mund të flasin, dega e PD-së në Korçë, Kryetari Andrea Mano duhet të kishte vënë kunjën me konferenca të shpeshta shtypi, me dalje dhe qëndrime publike, jo për të mbrojtur ndonjë të arrestuar për vepra penale, por për t?i thënë stop dhe ndal dhunës dhe terrorit të policisë mbi qytetarët në ambjentet e komisariatit. Kreu i PD-së së Korçës tregoi edhe njëherë sot se ai nuk flet, ai nuk ka gojë, ai nuk ka sy, ai nuk ka veshë, ai nuk dëgjon, ai nuk shikon. Dhe kjo vetem sepse, ashtu siç e kemi thënë shpesh në citynews, ai është një ortak dhe ushtar i bindur i Zv.Kryeministrit Niko Peleshi. Ai së bashku me të është në pazare dhe afera korruptive. Këto janë arsyet pse ja kanë mbyllur gojën, sytë dhe veshët Andrea Manos të reagojë për dhunën ndaj qytetarëve.

E vërteta është se Andrea Mano është ushtar i Niko Peleshit. Është ortaku i tij kudo, dhe kjo e bën Partinë Demokratike në Korçë fatkeqësisht një institucion politik të marrë peng nga mazhoranca socialiste. Fakti i sotëm është një tjetër argument kokëfortë që tregon se dega e Partisë Demokratike në këto dy vite të drejtimit të saj nga Mano është një institucion shurdhmemecë që nuk flet, nuk vepron por thjesht dëgjon dhe shikon. Asnjëherë në asnjë çast, në asnjë moment, nuk ka qenë në krah të qytetarëve. Nuk ka qenë për asnjë çast aleati i qytetarëve, por është kthyer në heshtje është kthyer në institucionin politik që menaxhohet nga ortaku dhe ?vëllai? i Niko Peleshit/citynews

Më poshtë deklarata e Kreut të PD-së Lulzim Basha, dhe mungesa e reagimit të PD-së dega Korçë