Kur nxehet shoqja Besa!

18 Qershor 2020, 20:51, Opinione CNA

Ministrja e Arsimit Besa Shahini pasi sulmoi maturantët si politikë se fundmi është hedhur në llogoren e luftës me pedagogët që kritikuan testin e maturës së Gjuhë-Letërsisë.

Shahini i jep lirinë vetes që ti quajë pedagogët frikacakë që nuk duan të përballen me ndryshimin, duke i kujtuar se ?nuk mjafton vetëm të dish se kur dhe ku ka lindur Naim Frashëri apo çfarë simbolizon ai dhe veprat e tij për kombin tonë?. Nuk e dimë nëse shoqes Besa do i kishin lindur dyshime për aftësinë e pedagogëve të gjuhë-letërsisë për të formuluar çfarë simbolizon Naim Frashëri për kombin, nëse pedagogët do kishin mbushur statuset e tyre me lavdërime për pamjen dhe vështrimin space out të shoqes Besa. Nuk e dimë se pse shoqja Besa po kërkon të thërrasë në ndihmë Naimin, por është e turpshme kur thërret në ndihmë maturantët kundra pedagogëve.

?Duhet të zotërosh gjithashtu edhe aftësinë të komentosh mbi veprat e Frashërit përmes eseve të mirë-argumentuara, si dhe të njohësh dallimin mes esesë argumentuese dhe asaj përshkruese?, bën leksion Shahini për pedagogët.

Ministrja i kujton pedagogëve se ?nuk mjafton ta konsumosh letërsinë në mënyrë pasive dhe të vlerësohesh sipas saktësisë së identifikimit të personazheve apo riprodhimit përmendësh të elementëve kryesorë të veprës, por nevojitet lexim aktiv që rrit kuptueshmërinë?. Tani nuk e dimë se çfarë konsumon shoqja Besa, por ky nivel mendjemadhësie, fodulleku dhe tangërlleku ndaj pedagogëve që as i njeh fare dhe nuk ua ka takuar ndonjëherë leksionin, me siguri nuk i buron nga konsumimi i letërsisë.

?Kjo frikë i nxjerr ata nga vetja dhe i çon nëpër debate televizive për të bërë edhe luftën e tyre të fundit kundër të pashmangshmit modernizim, i cili ka filluar tashmë në arsimin parauniversitar, por që nuk po arrin të dëpërtojë në arsimin e lartë?, shkruan Shahini. Por çfare e nxorri nga vetja shoqen Besa, që deri tani e kemi parë veç në foto ku shfaqet pa energji, pa grintë, pa pasione dhe pa motivim jo vetëm për të folur për letërsinë, por as për postin që i kanë rrasur të ushtrojë.

Shahini nuk dallon dot e nuk kupton që problemi për të cilin është folur këto ditë është hartimi i testit të maturës, jo mësimëdhënia në Universitete.

Lexoni çfarë shkruan Shahini:

?Hendeku mes arsimit parauniversitar dhe atij universitar po shkon duke u zgjeruar, sepse reforma kurrikulare shkollore, me gjithë sfidat që ka në zbatim, po e çon arsimin drejt aftësimit të nxënësve për punë apo për jetë. Ndërkohë, pedagogët e universitetit po refuzojnë kokëfortësisht ta ndjekin këtë trend?.

Nuk e dimë se me ç?mënyra i duhet rritur shoqes Besa kuptueshmëria e problemeve që kanë prezantuar maturantët, pasiqë Naimi nuk ka denjuar ndonjëherë të trajtojë rastin “Besa”.

Shahini sulmon edhe një pedagoge që e ka kritikuar testin në televizor, duke i thënë se:

?Ajo (besoj) nuk e kuptonte në ato momente sa fliste, që shumica e maturantëve i janë përgjigjur saktë shumicës së pyetjeve në test, që do të thotë se janë më të përgatitur se studentët e saj që do të bëhen mësuesit e ardhshëm. Këta maturantë, ndërkohë, do të bëhen studentët e saj dhe do t?i kërkojnë mësimdhënie që ndërton aftësi të aplikimit të njohurive dhe jo vetëm memorizim pasiv të fakteve. E thënë ndryshe, ky është presioni që pedagogët po e ndjejnë: të ndryshojnë metodat e tyre të punës në dobi të së ardhmes së studentëve të tyre?.

E thjeshtë të gjesh këtë mënyrë dhe rrugë shpëtimi, që mund të vërtetohet vetëm nëse maturantët kërkojnë masivisht dhe marrin kopje të testeve të korrigjuara të gjuhë-letërsisë.

Dhe meqe erdhëm këtu, i kujtojmë shoqes Besa që vjet testi i gjuhë- letërsisë pati të njëjtat probleme dhe megjithëse u kërkua masivisht, pothuaj asnjë maturanti nuk ju dha kopja e testit të vet.

Shoqja Besa beson që gjithë protesta e maturantëve i shërbeu pedagogëve të cilët ?nxorrën energjinë negative”. Besa vijon ti këshillojë në formë kërcënimi pedagogët të cilët “tani të mund të ulen dhe të reflektojnë për punën që po bëjnë në universitet dhe reformën e pashmangshme”.

E bukura është që në fund Besa shprehet e bindur që maturantët e sotëm pra studentët (e nesërm) do u japin pedagogëve verdiktin ?të tejkaluar?.

Të jetë ky verdikti që shoqja Besa e veshi kostum për vete nga protesta e maturantëve kundra saj?/CNA.al