web counter
LEXO PA REKLAMA!

SHKARKO APP

App Store
Google Play

A do të shkojmë përsëri në mbyllje nëse vazhdon rritja e rasteve me Covid-19?/ Silva Bino tregon se çfarë pritet të ndodhë

11 Qershor 2020, 16:11, Lifestyle CNA

Shefja e Departamentit të Epidemiologjisë dhe Kontrollit të Sëmundjeve Infektive në ISHP, Silva Bino, e ftuar pasditen e sotme në ABC news, ka filur për shtimin e satave të reja me Covid-19 në vendin tonë.

Bino pranoi se ka pasur një shtim të rasteve ndërsa shtoi se duhet një përkushtim më i madh i gjurmimit epidemiologjik.

Lidhur me aludimet se vendi mund të shkoje drejt mbylljes përsëri Bino tha se më me rëndësi është të zbatohen masat, si ndalimi i grumbullimeve dhe përdorimi i maskave.

?Ky numër rastesh pavarësisht se është i lidhur me disa shpërthime duhet të kontrollohen, kjo është sfida jonë për këtë javë.

Mbyllja është masë lehtësuese që të lejon të përgatitesh, të fitosh eksperiencë. Spitali gjatë mbylljes ka fituar eksperiencën e vet. Mbyllja dhe kufizimi të lejojnë ta shtrish në distancë dhe ta zbusësh kurbën.

Por ka edhe masa të tjera, si ndalimi i grumbullimeve, e disa aktiviteteve, me rëndësi është që çdo qytetar duhet të jetë i përgjegjshëm. Nuk duhet të futemi në supermarkete pa maska.

Megjithatë duhet të themi se virusi nuk e ka humbur forcn klinike. Ne vërejmë raste me shenja, por edhe raste pa shenja që ne i kapim.?/CNA.al

 





Lajmet e fundit nga