web counter
LEXO PA REKLAMA!

SHKARKO APP

App Store
Google Play

Infektimi i personelit mjekësor me Covid/ Pipero sqaron riinfektimin e mjekut në Durrës

11 Qershor 2020, 08:50, Lifestyle CNA

Mjeku infeksionit Pëllumb Pipero ka folur për shtimin e numrit të rasteve të reja me koronavirus te qytetarët dhe veçanërisht tek personeli mjekësor.

Pipero ka theksuar se një pjesë e madhe e mjekëve gjatë punës nuk kanë respektuar protokollin e masave mbrojtëse ndaj Covid 19 duke sjellë dhe shtim të rasteve në radhët e personelit mjekësor.
Ndër të tjera Pipero ka komentuar dhe rastin e mjekut të Durrësit duke e cilësuar si një gabim të mundshëm, pasi sipas tij tashmë është vërtetuar se nëse një person e kalon koronavirusin ai nuk infektohet sërish.

?Rasti i mjekut të Durrësit është i veçantë, mund të ndodhë por dhe në botë ka shumë pak raste, dhe në rastet që janë konstatuar në botë ose analiza e parë ose e dytë ka rezultuar jo reale. Dhe rasti konkret në vendin tonë mund të jetë një nga këto gabimet e mundshme ku në rastin e parë mund të ketë qenë fallto pozitiv herën e parë, por fakti që u konstatua i infektuar mjeku duhet të jetë më i kujdesshëm. Një person që infektohet dhe e kalon sëmundjen një herë , teorikisht është e pamundur që të infektohet, por nëse nuk kemi qenë të sëmurë por mendojmë se kemi qenë të tillë atëherë problemi është më kompleks, por ne duhet të jemi të vëmendshëm dhe të zbatojmë me përpikmëri protokollin e masave mbrojtëse sidomos ne mjekët në spital. Qytetarët duhet të vendosin maskën në një mjedis të mbyllur dhe në rrugë të respektojnë distancën derisa epidemia të jetë shuar. Në një ambient që nuk ruhet distanca më shumë se një metër atëherë duhet që patjetër të vendosim maskë, maska duhet të jetë me ne deri në ikjen e koronavirusit?, është shprehur Pipero në studion e Abc News.

Ndër të tjera ai ka theksuar se tashmë qytetarët kanë më shumë përgjegjësi dhe nuk duhet për asnjë moment të nënvlerësojnë masat mbojtëse./CNA.al





Lajmet e fundit nga